Day: September 4, 2014

ಜುಗಾರಿ ಕ್ರಾಸ್

ಪುಸ್ತಕ : ಜುಗಾರಿ ಕ್ರಾಸ್
ಲೇಖಕರು : ಕೆ.ಪಿ.ಪೂರ್ಣಚಂದ್ರ ತೇಜಸ್ವಿ
ಪುಟಗಳು : ೨೧೦
ಬೆಲೆ : ೧೬೫ರೂ

ಜುಗಾರಿ ಕ್ರಾಸ್ ಒಂದು ಅವರೇ ಹೇಳುವಂತೆ ರೋಮ್ಯಾಂಟಿಕ್ ಥ್ರಿಲ್ಲರ್ ಕಥೆ. ೨೪ ಘಂಟೆಯಲ್ಲಿ ಆಗುವ ಒಂದು ಕಥೆಯನ್ನು ಅತ್ಯದ್ಭುತವಾಗಿ ಪದಗಳಲ್ಲಿ ಸೆರೆ ಹಿಡಿದಿದ್ದಾರೆ. ಸುರೇಶ ಮತ್ತು ಗೌರಿ ಈ ಕಥೆಯ ಮುಖ್ಯ ಪಾತ್ರಧಾರಿಗಳು.
ಜುಗಾರಿ ಕ್ರಾಸ್ ಎಂಬ ಊರಿನಲ್ಲಿ ನಡೆಯುತ್ತಿದ್ದ ರಹಸ್ಯ ಕಾಳ ಧಂಧೆಯ ಕುರಿತು ಹೇಳುತ್ತಾ ಒಬ್ಬ ಅಮಾಯಕ ಸುರೇಶ ತನಗೆ ಗೊತ್ತಿಲ್ಲದಂತೆ ಆ ಕಾಳ ಧಂಧೆಗೆ ಸೇರಿಬಿಡುತ್ತಾನೆ. ಹಾಗೆ ಸೇರುವ ಮುನ್ನ ಹಾಗೂ ತದನಂತರದ ಸರಣಿ ಕಥೆಗಳನ್ನು ಅತ್ಯಂತ ಕ್ರೀಯಾಶೀಲತೆಯಿಂದ ಹೆಣೆದಿದ್ದಾರೆ. ಸುರೇಶ ಮತ್ತು ಗೌರಿ ಆ ಕಾಳ ಧಂಧೆಗೆ ಆಕಸ್ಮಿಕ ವಾಗಿ ಸಿಕ್ಕು ಪಟ್ಟ ಕಷ್ಟಗಳು ಹಾಗೂ ಅದರಿಂದ ಹೊರಬಂದ ಪರಿ ಈ ಕಥೆಯ ಸಾರಾಂಶ

ಈ ಕಥೆಯು ನಡೆಯುವುದು ಸಯ್ಯಾದ್ರಿ ತಪ್ಪಲಿನಲ್ಲಿ ಆದರಿಂದ ಕಥೆಯ ಜೊತೆಗೆ ನಿಸರ್ಗದ ಸೊಬಗಿನ ಊಟವನ್ನು ಲೇಖಕರು ಉಣಬಡಿಸಿದ್ದಾರೆ. ಹಂತ ಹಂತವಾಗಿ ಕಥೆಯು ಎಲ್ಲಿಯೂ ತನ್ನ ಗಾಂಭೀರ್ಯತೆಯನ್ನು ಕಳೆದು ಕೊಳ್ಳದೇ ಓದುಗುಗರಿಗೆ ತಮ್ಮ ಸಮಯ ಹೋಗಿದ್ದೆ ಗೊತ್ತಾಗದಂತೆ ಸಾಗುತ್ತದೆ.
ನೀವೂ ಓದಿ !

ದೂರು

ನನ್ನ ದೂರದೇ
ನನ್ನಿಂದ ದೂರವಾದೆ
ನೀನು
ನಿನ್ನನ್ನು ದೂರಿ
ನಿನ್ನ ನೆನಪಿಗೆ
ನಾ ದೂರನಾಗಲಾರೆ

(ರ)ಕವಿ

ಅವಳ ಸವಿನುಡಿಗೆ
 ನಾನು ಕವಿಯಾದೆ..
ಆದರೆ
ಅವಳ ಮನದ ಮುಗಿಲಿಗೆ
ಎಂದೂ ಬಾರದ ರವಿಯಾದೆ

ಮೌನ

ಅವಳದ್ದು ಸಾಟಿಯಿಲ್ಲದ ಮೌನ
ಅವಳಿಗೆ ನನ್ನ ಮಾತಿನ ಸನ್ಮಾನ

ಬೆಳಕು

ಅವಳ ಕಣ್ಣಂಚಿನ ಬೆಳಕಿಗೆ
ಅಸುನೀಗಿದೆ
ನನ್ನ ಮನದ ಕತ್ತಲು

ಒಲವಿನ ಮಳೆ

ಅವಳ ಕಣ್ಣ ಮಿಂಚಿಗೆ
ನನ್ನ ಹೃದಯ ಗುಡುಗಿತು
ಸುರಿದಿದ್ದು ಒಲವಿನ ಮಳೆ

ನೆನಪು

ಅವಳ ನೆನಪು
ನನ್ನ ಕಣ್ಣೀರು ಮಾತನಾಡಿದ್ದು
ಅವಳ ಹೃದಯಕ್ಕೆ ಕೇಳದೇ ಹೋಯಿತು