Day: September 14, 2014

ನೀನು

ಅಮವಾಸ್ಯೆ ಹೃದಯಕ್ಕೆ
ಹುಣ್ಣಿಮೆ ಬೆಳಕನು ಚೆಲ್ಲಿ
ನನ್ನ ಬೆಳದಿಂಗಳಾದೆ

ಎದೆಯ ತೋಟದ
ಎಲೆಯ ತುದಿಗೆ
ಮುತ್ತಿಕ್ಕುವ ಇಬ್ಬನಿಯಾದೆ

ಕಣ್ತೆರದು ಕಾಣುವ
ಕನಸಿನ ಪರಿವಿಡಿ
ಪುಟದ ಸಾಲದೆ

ಕನಸಿನ ಮನಸಿಗೆ
ಬದುಕಿನ ಉಸಿರಿಗೆ
ಒಲವಿನ ಹೆಸರಾದೆ

ಹೇಳದ ಮಾತಿನ
ಮೌನದ ಮಾತದೆ
ನನ್ನ ದನಿಯಾದೆ
ಮೌನದ ಇನಿಯಾದೆ

ಒಬ್ಬ ಕವಿಯಾದೆ!

ಬದುಕೆಂಬ ಪ್ರಶ್ನೆಗೆ
ಉತ್ತರ ಹುಡುಕುತ
ನನಗೆ ನಾನೇ ಪ್ರಶ್ನೆವಾದೆ ..
ಬದುಕಿನ ಮೌನಕ್ಕೆ ಪದವಾದೆ
ಅದರ ತೀಕ್ಷ್ಣ ಮಾತಿಗೆ ಹದವಾದೆ
ಒಬ್ಬ ಕವಿಯಾದೆ
ಎಲ್ಲವ ಕಾಣುವ ರವಿಯಾದೆ

ನೆನಪಿನ ತುಪ್ಪ

ಅವಳನ್ನು ಮತ್ತೆ ಕಂಡಾಗ
ಹೃದಯದಲಿ ಉರಿಯುತ್ತಿದ್ದ
ಒಲವಿನ ಗಾಯಕ್ಕೆ
ಅವಳ ನೆನಪಿನ ತುಪ್ಪ ಸುರಿದಂತಾಯ್ತು

ಸೋಲಿನ ಬೆಂಕಿ

ಬಿಡದೇ ಸುಡುವ
ಸೋಲಿನ ಬೆಂಕಿಗೆ
ಕಣ್ಣೀರು ಹರಿಸಿ ನಂದಿಸಬೇಡಿ
ನಮ್ಮೊಳಗಿನ ‘ಅಸಾಧ್ಯ’ ಪದವನ್ನು
ಸುಡಲು ಬಿಡಿ

ಅಂಧನ ಕನಸು

ದೇವರು ಒಬ್ಬ ಅಂಧನಿಗೆ
ಕಣ್ಣು ಬೇಕೋ ? ಕನಸು ಬೇಕೋ ?ಎಂದು ಕೇಳಿದಾಗ
ಅವನು ಕನಸು ಬೇಡಿದ