Day: September 22, 2014

ಮತ್ತೆಲ್ಲಿ ಮಾಯವಾಗುವೆ?

ನನ್ನ ಹೃದಯ ಆಳಿದೆ
ನನ್ನ ಹೃದಯ
ನಿನ್ನಿಂದ ಆಳಾಗಿದೆ
ನೆನಪುಗಳ ಸಂತೆಯಲ್ಲಿ
ನಿನ್ನ ಕೊಟ್ಟ ನೋವುಗಳ ಕಂತೆ-
ಯಲಿ ಚೂರು ಪಾರು ಉಳಿದಿದೆ ಪ್ರೀತಿ
ಅದುವೂ ಕಳೆದು ಹೋಗುವ ಭೀತಿ
ನನ್ನ ಉಸಿರಿರುವವರೆಗೆ
ನಿನ್ನ ಹೆಸರನ್ನೇ ಜಪಿಸುವೆ
ನಿಲ್ಲು !
ಮತ್ತೆಲ್ಲಿ ಮಾಯವಾಗುವೆ ?

ನೀನು ಎಂದರೆ…

ನನ್ನ ಕವನದ ಸಾಲು
ಹೃದಯದ ಬೆಳದಿಂಗಳು
ನಾ ಕಾಯುವ ದಾರಿ
ಹೃದಯ ಕಟ್ಟಿದ ಗೋರಿ
ಕನಸಿನ ಸಾಗರದ ತೀರ
ನನ್ನೊಲವಿನ ಆಕಾರ
ನಾನಿಡುವ ಕಣ್ಣೀರು
ಖುಷಿಯ ಪನ್ನೀರು
ಬಿಕ್ಕಳಿಸುವ ಮೌನ
ಮರಳಿ ಬಾರದ ದಿನ