Day: December 20, 2014

Please Save!

ಗರ್ಭದಲ್ಲಿ ಹೆಣ್ಣು ಮಗುವಂದು ಹುಟ್ಟುತ್ತಿದೆ ಎಂದು ತಿಳಿಯುತ್ತಲೇ ನಾಳೆ ಆ ಹೆಣ್ಣುಮಗು ತಮಗೆ ಹೊರೆ ಆಗುತ್ತದೆಯೆಂದು ತಮಗೆ ಜನ್ಮಕೊಟ್ಟವಳು ಒಬ್ಬ ‘ಹೆಣ್ಣು’ ಎಂಬುವದನ್ನು ಮರೆತು ಆ ಮಗುವಿನ ಹತ್ಯೆ ಮಾಡುವ ತಂದೆ ತಾಯಿಗಳಿದ್ದಾರೆ.. ಅದಕ್ಕೆ ಪೂರಕವಾಗಿ ತಮ್ಮ ವೃತ್ತಿಗೆ ಮೋಸವೆಸಗುವ ವೈದ್ಯರಿದ್ದಾರೆ…
ಈ ಚಿಂತನೆಯೊಂದಿಗೆ ನನ್ನ ಗೆಳೆಯ Deepu ಒಂದು ಕಿರುಚಿತ್ರ ಮಾಡಿದ್ದಾನೆ.
ಈ ಕಿರುಚಿತ್ರ ಹಲವು ಪ್ರಶಸ್ತಿಗಳನ್ನು ಬಾಚಿಕೊಂಡಿದ್ದು ಸಾಮಾಜಕ್ಕೆ ಒಳ್ಳೆಯ ಮೆಸೇಜ್ ಕೊಟ್ಟಿದೆ
ನೀವು ನೋಡಿ share ಮಾಡಿ

ಇಳಿ ಸಂಜೆಯ ತಿಳಿ ಮೌನ…

ಕಡಲ ಮುಂದೆ
ನನ್ನ ಹೆಗಲಿಗೆ ನೀನು ಒರಗಿ
ಕೂತಿದ್ದನ್ನು ನೆನೆದು
ಹೃದಯ ಕೊರಗುತ್ತಿದೆ ..
ಪ್ರಾಣ ಬಿಡುವವರೆಗೂ
ನೀನು ಬಿಡುಅಂದರೂ ಬಿಡಲೊಲ್ಲೆ ಎಂದು
ನನ್ನ ಕೈ ಬೆರೆಳುಗಳ ಜೊತೆ ನಿನ್ನ ಕೈ
ಬೆಸೆಯುತ್ತಿದ್ದನು ನೆನೆದು ಕಣ್ಣೀರು ಜಿನುಗುತ್ತಿದೆ .

ಇಳಿ ಸಂಜೆಯ
ತಿಳಿ ಮೌನದಲ್ಲಿ
ನೀನು ಆಡಿದ ಮಾತುಗಳನ್ನೆಲ್ಲಾ
ಅಲೆಗಳು ಕೂಗಿ ಹೇಳಿದಂತಿದೆ ..
ದಡದಲ್ಲಿ ನಾವಿಬ್ಬರೂ
ಜೊತೆಗೆ ನಡೆದಾಡಿದ ಗುರುತನ್ನು
ಅಳಿಸಲು ಅಲೆಗಳು ಮರೆತಂತಿದೆ ..

ನಾನೇಕೆ ನಿನ್ನ ಬಳಿ ಬಂದೆ
ನೀನ್ಯಾಕೆ ನನ್ನ ಬಿಟ್ಟು ಹೋದೆ
ಎಂಬ ಪ್ರಶ್ನೆಗಳಿಗೆ ಉತ್ತರ ಹುಡುಕುತ್ತಿದ್ದರೆ
ಎದೆಗೆ ಯಾರೋ ತಿವಿದಂತಿದೆ
ಆ ನೋವಿನಲ್ಲೇ ಬರೆದ ಸಾಲುಗಳಿಂದಲೇ
ನಾನು ‘ಕವಿ’ಯಾದಂತಿದೆ.
– ಸಜ್ಜನ

ಎದೆಗಾರಿಕೆ

‘ಹೆದರಿಕೆ’ಯನ್ನು ಎದುರಿಸಿ ಹೆದರಿಸುವುದೇ ಎದೆಗಾರಿಕೆ !