Day: January 7, 2015

ಕಡಲ ತೀರದಿ ನಿಂತು ..

ನಿದ್ದೆಗೆ ಜಾರು ನೀನು
ನನಗೂ ಹೇಳದಂತೆ
ಕನಸಲ್ಲಿ ಕರೆ ನೀನು
ನಾನೇ ಬರುವಂತೆ

ಪ್ರೀತಿಸು ಒಮ್ಮೆ ನನ್ನ
ನನ್ನ ನಾನೇ ಮರೆಯುವಂತೆ
ಮೋಹಿಸು ಒಮ್ಮೆ ನನ್ನ
ಹೊಸ ಹಾಡು ಬರೆಯುವಂತೆ

ಕಡಲ ತೀರದಿ ನಿಂತು
ಅಲೆಗಳ ಜೊತೆ ಮಾತಿಗಿಳಿಯೋಣ
ಒಂದೊಂದು ಅಲೆಗಳಿಗೂ
ನಮ್ಮ ಪ್ರೀತಿ ಹಂಚೋಣ

ಏನು ಹೇಳಲಿ
ಏನು ಕೇಳಲಿ
ಒಂದೊಂದು ತಿಳಿಯುತ್ತಿಲ್ಲ
ಈ ಪ್ರೀತಿಯಿಂದಲೇ ಎಲ್ಲ ಹೀಗೆ
ನನ್ನ ಲೇಖನಿಯೂ ಮೂಡುತ್ತಿಲ್ಲ..

ಮೌನ ಒಂದೇ ನಿನ್ನ ಭಾಷೆ…

ಮೌನ ಒಂದೇ ನಿನ್ನ ಭಾಷೆ
ನಾ ಹೇಗೆ ತಿಳಿಯುವುದು
ಕಣ್ಣಲ್ಲಿ ಕಣ್ಣಿಡು ನೀನು
ಈ ಜೀವ ಉಳಿಯುವುದು

ನಿನ್ನ ಕಂಗಳು ನೋಡಿ
ಬೆಳದಿಂಗಳನು ಸುಳ್ಳು ಎನ್ನಬಹುದು
ನಿನ್ನ ನೋಡಲು,ಖುದ್ದಾಗಿ ಮುದ್ದಿಸಲು
ಚಂದಮಾಮ ಬರಬಹುದು…

ಇದು ಯಾವ ಸ್ನೇಹ
ಇದು ಯಾವ ಮೋಹ
ಹೇಗೆ ಹೇಳುವುದು
ಒಮ್ಮೆಮ್ಮೆ ಇದು ಪ್ರೀತಿ ಅನಿಸುವುದು

ಏನೇ ಅಂದರೂ
ಏನೇ ಬಂದರೂ
ಈ ಸ್ವಪ್ನ ನಿಜವಲ್ಲ
ನನ್ನಾಣೆ ನಂಬು ನನ್ನ
ನನ್ನ ಪ್ರೀತಿ ಸುಳ್ಳಲ್ಲ