Day: February 13, 2015

ನಿನ್ನಿಂದ ನಾ ಮರುಳಾದೆ…

ಕಣ್ಣಲ್ಲಿ ಕರೆ ನೀಡಿ
ಎದೆಯ ಗೆರೆ ದಾಟಿ
ಹೃದಯ ಲೂಟಿ ಮಾಡಿ
ನೀನೆಲ್ಲಿ ಮರೆಯಾದೆ
ನಿನ್ನಿಂದ ನಾ ಮರುಳಾದೆ..

ಹೂವಿನ ಸಾಲು ನೀಡಿ
ಕನಸಿನಲಿ ಪಾಲು ಬೇಡಿ
ನಿನ್ನಲ್ಲಿ ನಾ ಸೆರೆಯಾದೆ
ನಿನ್ನಿಂದ ನಾ ಮರುಳಾದೆ

ನಿನ್ನೆದೆಯ ಗೂಡಿಗೆ …

ನಿನ್ನೆದೆಯ ಗೂಡಿಗೆ
ನನ್ನ ನೀ ದೂಡಿದೆ
ಕಾರಣವ ಹೇಳದೆ..
ನೀ ಹರಿಸಿದ
ಕನಸಿನ ಮಳೆಗೆ
ಹೃದಯ ನೆನೆದಿದೆ
ಪ್ರಣಯದ ಹೂವು ಅರಳಿದೆ..

ನೂತನ ಪ್ರಣಯ ಪಯಣಕೆ
ಹೃದಯದಿ ಸಂಚಲನ ಮೂಡಿದೆ
ಸಂಶಯ ಬೇಡ ಸಂಚರಿಸು ಹೃದಯದೊಳಗೆ..
ನಿನ್ನ ಹೊತ್ತು ಹೊರಟ
ಒಲವಿನ ಪಲ್ಲಕ್ಕಿಯ
ಮೆರವಣಿಗೆ ಮುಗಿಯುವವರೆಗೆ..