ಕಹಿಯಾದ ನೆನಪನ್ನು ಮರೆಯುತ
ಸಿಹಿಯಾದ ಕನಸನ್ನು ಕಾಣುತ
ನನ್ನಲ್ಲೇ ಉಳಿದುಬಿಡು ನೀನು
ನಿನ್ನವನಲ್ಲವೇ ನಾನು..?

ಅತಿಯಾದ ಪ್ರೀತಿ ತೋರುತ
ಹಿತವಾದ ಮಾತು ಆಡುತ
ನಿನ್ನಲ್ಲೇ ಉಳಿದುಬಿಡಲೇ ನಾನು
ನನ್ನವಳಲ್ಲವೇ ನೀನು..

ಬೆರಳಲ್ಲಿ ಸಾಲೊಂದು ಬರೆಯುತ
ಇರುಳಲ್ಲಿ ಕನಸೊಂದು ಕರೆಯುತ
ಕಣ್ಣಲ್ಲೇ ಕರೆದುಬಿಡು ನೀನು
ಬರದೆ ಇರುವೆನೇನೆ ನಾನು
ನನ್ನವಳಲ್ಲವೇ ನೀನು..

ಕರೆ ನೀನು
ತಡ ಮಾಡದೆ
ನಿನ್ನ ಕನಸಿಗೆ..
ಬರುವೆ ನಾನು
ನಿನಗೂ ಹೇಳದೆ
ನಿನ್ನ ಮನಸಿಗೆ..

ಕರೆ ನೀನು ತಡ ಮಾಡದೆ

ನಿನ್ನ ಮೌನವನ್ನು ಕದ್ದಾಲಿಸುವೆ
ನಿನ್ನ ಮನದಲ್ಲೇ ಅವಿತು
ನೀ ನಕ್ಕರೆ ನಾನೂ ನಗುವೆ
ನಿನ್ನ ಗಲ್ಲಗುಳಿಯಲ್ಲೇ ಕುಳಿತು

ಕರೆ ನೀನು ತಡ ಮಾಡದೆ

ಎಷ್ಟು ಬರೆದರೂ ಮುಗಿಯುತಿಲ್ಲ
ಪ್ರೇಮದ ಹಾಡು ನಿರಂತರ
ಮೌನವೇ ಪ್ರೀತಿಯ ಭಾಷೆ
ಬೇಕಿಲ್ಲ ಅದುಕೆ ಭಾಷಾಂತರ