Day: April 27, 2015

ಕವಿತೆಯೆಂದರೆ ಹಾಗೇ..

ಕವಿತೆಯೆಂದರೆ ಹಾಗೇ..

ಬೆನ್ನುತಟ್ಟುವ ತಂದೆಯಂತೆ
ಕಣ್ಣೊರೆಸುವ ತಾಯಿಯಂತೆ!

ಕವಿತೆ ಎಂದರೆ ಹಾಗೇ.

ಕವಿ ಮನಸಿಗೆ
ಹಿಡಿದ ಕನ್ನಡಿ..

ಮಳೆಯಲಿ ನನ್ನ ಜೊತೆ ನಾಲ್ಕು ಹೆಜ್ಜೆ ಹಾಕಿ
ಮರಳಿ ಅವಳ ಮನೆಗೆ ಹೋಗುವಾಗ
ನನ್ನತ್ತ ತಿರುಗಿ ತಿರುಗಿ
ಅವಳು ನೋಡುವ ಪರಿ !

ನಡುಗುವ ಚಳಿಯಲ್ಲೂ
ಹೃದಯ ಸುಡುವ ವಿರಹ !

ನಾವಿಬ್ಬರು ಜೊತೆಗೆ ನಡೆಯುವಾಗ
ನನ್ನ ಕೈಯನ್ನು ಅವಳು ಹಿಡಿದಾಗ
ಆ ಕ್ಷಣ ನನಗಾದ ರೋಮಾಂಚನ
ಅದುಕುತ್ತರವಾದ ಅವಳ ಮುದ್ದು ಮೌನ!

ಕವಿತೆ ಎಂದರೆ ಹಾಗೇ.

ಕವಿತೆ ಎಂದರೆ ಹಾಗೇ.

ಭಾವನದಿಗೆ
ಕಟ್ಟಿದ
ಆಣೆಕಟ್ಟು..

ಕನಸಿನ ಮಳೆಯಲಿ
ಹೂಬಿಸಿಲು ಬಂದು
ಮೂಡುವ ಕಾಮನಬಿಲ್ಲು..

ನನ್ನವಳನ್ನು ನೆನೆದಾಗಲೆಲ್ಲ
ಎದೆಯಲಿ ಬೀಸುವ
ಸಿಹಿ ತಂಗಾಳಿ…