Month: February 2016

ನೀನು

ನೀನು
ಕನಸಿನ ಪುಟದೊಳಗೆ
ನವಿರಾಗಿ ಮೂಡಿದ
ನವಿಲುಗರಿ!

ನೀನು
ನನ್ನ ಅಂತರಂಗದ
ನಿರಂತರ ಅನ್ವೇಷಣೆ !

ಮತ್ತೆ ಕವಿಯಾಗುವ ಆಸೆ

ಮತ್ತೆ ಕವಿಯಾಗುವ ಆಸೆ
ನನ್ನೊಳಗಿನ ಉಸಿರಾಡುವ ಯೋಚನೆಗಳಿಗೆ
ಮಾತು ಕಲಿಸಿ
ಬದುಕಿದ್ದು ಸತ್ತಂತಿರುವ ನನ್ನೊಳಗಿನ ಅದೆಸ್ಟೋ
ಕನಸುಗಳಿಗೆ ಜೀವ ಕೊಡಿಸಿ.

ಸೇರಬಹುದೇ ನಾನು ಕವನದೊಳು ? ಕರಗಬಹುದೇ ನಾನು ?
ಕರಗಿ ಕವಿತೆಯಾಗಬಹುದೇ ನಾನು

 

ಗೊತ್ತಿಲ್ಲ!

ಹಲವು ದಿನಗಳ ನಂತರ ಒಂದೆರಡು ಸಾಲುಗಳನ್ನು ಬರೆದೆ. ಅರ್ಥಿಹೀನವಾಗಿದ್ದರೆ ಕ್ಷಮಿಸಿ 🙂

ಯಾವುದು ಈ ಪಯಣ ?

ನಾನು ಹುಡುಕಿದೇನೋ
ನನ್ನನ್ನೇ ಹುಡುಕಿ ಈ ದಾರಿ ನನ್ನ ಸೇರಿತೋ ಗೊತ್ತಿಲ್ಲ!
ಹೋಗುತ್ತಿರುವುದೋ ಸರಿ ದಾರಿಯೋ ? ಗೊತ್ತಿಲ್ಲ
ಕೆಟ್ಟ ದಾರಿಯ ಅರಿವೂ ನನಗಿಲ್ಲ , ಹಿಡಿದ್ದಿದ್ದರೂ ಇನ್ನು ನನಗೆ ಅರಿವಾಗಿಲ್ಲ
ಎಲ್ಲರಿದ್ದೂ ಏಕಾಂಗಿಯಾಗಿದ್ದೇನೆ ಎನ್ನುವ ಸತ್ಯ ಸುಳ್ಳಲ್ಲ !!
ಹಿಂತಿರುಗಿ ಹೋಗಿಬಿಡಲೇ ಎಂದು ತಿರುಗಿ ನೋಡಿದರೆ
ಹಿಂದೆ ದಾರಿಯೇ ಇಲ್ಲ ! ನನ್ನ ದಾರಿಯನ್ನು ನಾನೇ ಅಳಿಸಿಬಿಟ್ಟನೇ? ಗೊತ್ತಿಲ್ಲ
ಇದು ನನ್ನ ಪಯಣವೋ ?
ಮತ್ತೊಬ್ಬರ ಪಯಣಕ್ಕೆ ನಾನಿಲ್ಲಿ ದಾರಿಯೋ ?
ಗೊತ್ತಿಲ್ಲ!