Month: October 2016

ಒಂದು ಹಣತೆ : ಒಂದು ಸಣ್ಣ ಕಥೆ!

ಒಂದು ಹಣತೆ ಒಂದು ಸಣ್ಣಕಥೆ..

ಭಾವಶರಧಿ

ಒಂದು ದಿನ ಒಂದು ಮನೆಯ ಹಣತೆಯಲ್ಲಿ ಒಂದು ಚಿಕ್ಕ ಭಿನ್ನಾಭಿಪ್ರಾಯ ಶುರುವಾಯಿತು.
ಹಣತೆ ” ನನ್ನಿಂದ ದೀಪ ಉರಿಯುತ್ತಿದೆ ಆ ಬೆಳಕು ನನ್ನದು ” ಎಂದು ಹೇಳಿತು.
ಇದನ್ನು ಕೇಳಿದ ಹಣತೆಯಲ್ಲಿದ್ದ ಎಣ್ಣೆ ” ನಾನು ಆ ದೀಪಕ್ಕೆ ಜೀವಾಳ.ನಾನೇ ಇರದಿದ್ದರೆ ದೀಪವೂ ಇಲ್ಲ, ಬೆಳಕೂ ಇಲ್ಲ ಅದಕ್ಕಾಗಿ ಆ ಬೆಳಕು ನನಗೆ ಸೇರಿದ್ದು” ಎಂದಿತು.
ಇದನ್ನು ಕೇಳಿದ ಬತ್ತಿ ” Hello! ನಾನು ಉರಿಯುತ್ತಿರುವದಿಂದಲೇ ದೀಪ ಉರಿಯುತ್ತಿದೆ logically ಬೆಳಕು ನನ್ನದು “ಎಂದಿತು
ಈ ಕಚ್ಚಾಟವನ್ನು ಸೂಕ್ಷ್ಮದಿಂದಲೇ ನೋಡುತಿದ್ದ ಗಾಳಿ ” ನಾನು ಇಲ್ಲದೇ ದೀಪವು ಉರಿಯಲ್ಲ , ನಾನು ಹೆಚ್ಚಾದರೆ ದೀಪ ಆರಿಹೋಗುತ್ತದೆ ಆದ್ದರಿಂದ ಬೆಳಕು ನನ್ನದು” ಎಂದು ವಾದಿಸಿತು
ನಾನು ನನ್ನಿಂದ ಎಂಬ ಕಚ್ಚಾಟದಲ್ಲಿ ಹಣತೆ ಹೊಡೆದು ಹೋಯಿತು. ಎಣ್ಣೆ ಹರಿದು ಹೋಯಿತು. ಬತ್ತಿಗೆ ಎಣ್ಣೆಯಿಲ್ಲದೆ ಕುಗ್ಗಿ ಹೋಯಿತು. ಗಾಳಿ ಜೋರಾಗಿ ಬೀಸಿ ಉರಿಯುತ್ತಿದ್ದ ದೀಪ ಆರಿಹೋಯಿತು !

ಎಲ್ಲವೂ ಒಟ್ಟಾಗಿ ಇರುತ್ತಿದ್ದರೆ ಆ ದೀಪದ ಭರವಸೆಯ ಬೆಳಕು ಎಲ್ಲರ ಪಾಲಾಗಿತ್ತು.
” ಅಹಂ ಭಾವನೆಯಿಂದ ಅಂಧಕಾರವೇ ಹೊರತು ಬೆಳಕಿನ ಸಾನಿಧ್ಯವಿಲ್ಲ ”
ಆ ಭರವಸೆಯ ಬೆಳಕು ನಿಮ್ಮದಾಗಲಿ

View original post

ಶಾಲೆಯ ನೆನಪು

ಶಾಲೆಯ ನೆನಪು…

ಮನಸಿನ ಮನವಿಯ ನೀ ಕೇಳು..

ಮನಸಿನ ಮನವಿಯ ನೀ ಕೇಳು..

ಭಾವಶರಧಿ

ಕನಸಿನ ಮಳೆಯಲಿ ನೆನೆದ
ಮನಸಿನ ಮನವಿಯ ನೀ ಕೇಳು..
ಕಡಲಿನ ತೀರದಿ ಕೈಹಿಡಿದು
ತುಸುದೂರ ನಡೆಯೋಣವೇ ನೀ ಹೇಳು..
ಕನಸಿನ ಕದ ನೀನೇ ತೆರೆದೆ
ಹೃದಯದ ಮೇಲೆ ನೀನೇನು ಬರೆದೆ
ನೂತನ ಲೋಕಕೆ ಹಾರಿ ಹೋಗೋಣವೆ ನೀ ಹೇಳು ..

ದಿನವೂ ಒಂದೇ ಕನಸು ಬೀಳುತಿದೆ
ಹೃದಯ ಒಂದೇ ಹಾಡು ಹಾಡುತಿದೆ
ಕೂಗಿ ಹೇಳುವೆ ನೀ ನನ್ನ ದೇವತೆ
ನೀನೊಮ್ಮೆ ಓದು ನಾ ಬರೆದ ಕವಿತೆ..

ಮಳೆಹನಿಗಳು ಹೊಸ ಹಾಡು ಬರೆದಿವೆ
ಎಲ್ಲ ದಾರಿಗಳು ನಿನ್ನನ್ನೇ ಸೇರಿವೆ
ಕೂಗಿ ಹೇಳುವೆ ನೀ ನನ್ನ ದೇವತೆ
ನಿನೋದು ಮಳೆಹನಿಗಳ ಗೀತೆ …

View original post

ಭಾಷೆ…

“ನೀನು ನಿನ್ನ ಭಾಷೆಯನ್ನು ಪ್ರೀತಿಸಿದರೆ
ಭಾಷೆಯೂ ನಿನ್ನನ್ನು ಪ್ರೀತಿಸುತ್ತದೆ..”

ಒಮ್ಮೆ ನೋಡು ನನ್ನ ಪಾಡು ..

ಒಮ್ಮೆ ನೋಡು ನನ್ನ ಪಾಡು..

ಭಾವಶರಧಿ

ಒಮ್ಮೆ ನೋಡು ನನ್ನ ಪಾಡು
ನೀ ಮರೆಯಾಗುವ ಮುನ್ನ
ಒಮ್ಮೆ ಕೇಳು ಹೃದಯ ಗೋಳು
ನನ್ನ ನೀ ಮರೆಯುವ ಮುನ್ನ

ಕಣ್ಣಿಗೆ ಕಣ್ಣನಿಟ್ಟು
ಭಾವಕ್ಕೆ ಜೀವ ಕೊಟ್ಟು
ಎಲ್ಲ ಮರೆತು ಹೊರಟೆಯ..
ನಾಲ್ಕು ಹನಿ ಕಣ್ಣೀರ ಬಿಟ್ಟು
ನೂರು ನೆನಪುಗಳ ಕೊಟ್ಟು

ಒಮ್ಮೆ ನೋಡು ನನ್ನ ಪಾಡು
ನೀ ಮರೆಯಾಗುವ ಮುನ್ನ
ನನ್ನ ನೀ ಮರೆಯುವ ಮುನ್ನ

ಎದೆಯ ಮೇಲೆ ನಿನ್ನ ಬರವಣಿಗೆ
ಎದೆಯೊಳಗೆ ಪ್ರೀತಿಯ ಮೆರವಣಿಗೆ
ಎಲ್ಲ ಮರೆತು ಹೊರಟೆಯ
ನಾ ತಲುಪದ ಊರಿಗೆ
ಮೋಸವ ಮಾಡಿ ನನ್ನ ಪ್ರೀತಿಗೆ

ಒಮ್ಮೆ ನೋಡು
ನನ್ನ ಪಾಡು
ನೀ ಮರೆಯಾಗುವ ಮುನ್ನ
ನನ್ನ ನೀ ಮರೆಯುವ ಮುನ್ನ
ನನ್ನ ನೀ ಮರೆಯುವ ಮುನ್ನ

View original post

Thank you!!

15ooo+ views on my blog!

 Thank you ! Thank you so much!

ನೀ ನನಗೋಸ್ಕರ

ನೀ ನನಗೋಸ್ಕರ…!

ಭಾವಶರಧಿ

Nanagoskar

View original post

ಮಳೆಯಲಿ ಕೊಡೆ ಹಿಡಿದು…

ಮಳೆಯಲಿ ಕೊಡೆ ಹಿಡಿದು..

ಭಾವಶರಧಿ

ಮಳೆಯಲಿ ಕೊಡೆ ಹಿಡಿದು
ಹೊರಟವಳ ಜಡೆ ಕಂಡು
ಮನದ ಮುಗಿಲಲ್ಲಿ ಮುಂಗಾರು ಮಳೆ

ಹಸಿಯಾದ ನೆಲಕೆ ಬೀಳದಂತೆ
ಮೈತಬ್ಬಿದ ದುಪ್ಪಟ ಜಾರದಂತೆ
ಕೊಡೆ ಬಿಗಿ ಹಿಡಿದು
ಆಗೊಮ್ಮೆ ಇಗೊಮ್ಮೆ ಜಿಗಿದು
ತನ್ನ ಕಾಲ್ಗೆಜ್ಜೆ ಸದ್ದು ಮಾಡುವಾಗ
ಮಳೆ ಹನಿಗಳೂ ಅದರ ತಾಳಕ್ಕೆ ಕುಣಿದವು
ಅವಳಿಗೆ ಗೊತ್ತಾಗದಂತೆ ಅವಳ
ಪಾದ ತೊಳೆದವು!

View original post