Day: January 16, 2017

ಕಳೆದು ಹೋಗಿರುವೆ ಹುಡುಕಿ ಕೊಡಿ..

ಸದಾ ಜೇಬಲ್ಲಿ ಕೂತು ಆಗೊಮ್ಮೆ ಈಗೊಮ್ಮೆ
ನನ್ನೇ ಮರೆತು ನಾನಿರುವ ಕಲ್ಪನಾ ಲೋಕವನ್ನು
ಕಂಡ ಹಾಗೆ ಹಾಳೆಗಳಿಗೆ ಇಳಿಸುತ್ತಿದ್ದ ನನ್ನ ಲೇಖನಿ
ಇಂದೇಕೋ ನನ್ನಿಂದ ದೂರ..
ಸ್ವಪ್ನಗಳಿಗೆ ಮಾತ್ರ ನಾನಿಂದು ಸ್ವಂತ
ವಾಸ್ತವಕ್ಕೆ ಮತ್ತೆ ಅಪರಿಚಿತ.

ದಾರಿ ಕಳೆದುಕೊಂಡಿರುವೆ ಹುಡುಕಿ ಕೊಡಿ!!
ಇದು ಯಾರ ಪ್ರಯಾಣ ಅನ್ನಿಸಿ ಒಮ್ಮೆಲೇ
ಯಾನ ನಿಲ್ಲಿಸುವ ಮನಸು. ಮತ್ತದೇ ಪ್ರಶ್ನೆ
ಯಾವ ದಾರಿ ಹಿಡಿಯಲಿ ? ಯಾವುದು ನನ್ನದು ?

ಕೂಡಿಟ್ಟ ಕನಸುಗಳನ್ನು ಕಳೆದಿರುವೆ ಹುಡುಕಿ ಕೊಡಿ
ನಾನು ಕೇವಲ ಕನಸುಗಳಿಗೆ ಮಾತ್ರ ಸ್ವಂತ , ಹೇಗಾದ್ರು ಮಾಡಿ ನನ್ನ ಹುಡುಕಿ ಕೊಡಿ!

ಕಳೆದು ಹೋಗಿರುವೆ ಹುಡುಕಿ ಕೊಡಿ..!!