Honeyಗವನಗಳು

ಭಾವದ ಅಲೆಗಳು!

ಹಳೇ ಕವನಕ್ಕೆ ಹೊಸ ರೂಪ!

 

 

ನಿನ್ನಿಂದ ನಾ ಮರುಳಾದೆ…

ಕಣ್ಣಲ್ಲಿ ಕರೆ ನೀಡಿ
ಎದೆಯ ಗೆರೆ ದಾಟಿ
ಹೃದಯ ಲೂಟಿ ಮಾಡಿ
ನೀನೆಲ್ಲಿ ಮರೆಯಾದೆ
ನಿನ್ನಿಂದ ನಾ ಮರುಳಾದೆ..

ಹೂವಿನ ಸಾಲು ನೀಡಿ
ಕನಸಿನಲಿ ಪಾಲು ಬೇಡಿ
ನಿನ್ನಲ್ಲಿ ನಾ ಸೆರೆಯಾದೆ
ನಿನ್ನಿಂದ ನಾ ಮರುಳಾದೆ

ಮೌನ ಒಂದೇ ನಿನ್ನ ಭಾಷೆ…

ಮೌನ ಒಂದೇ ನಿನ್ನ ಭಾಷೆ
ನಾ ಹೇಗೆ ತಿಳಿಯುವುದು
ಕಣ್ಣಲ್ಲಿ ಕಣ್ಣಿಡು ನೀನು
ಈ ಜೀವ ಉಳಿಯುವುದು

ನಿನ್ನ ಕಂಗಳು ನೋಡಿ
ಬೆಳದಿಂಗಳನು ಸುಳ್ಳು ಎನ್ನಬಹುದು
ನಿನ್ನ ನೋಡಲು,ಖುದ್ದಾಗಿ ಮುದ್ದಿಸಲು
ಚಂದಮಾಮ ಬರಬಹುದು…

ಇದು ಯಾವ ಸ್ನೇಹ
ಇದು ಯಾವ ಮೋಹ
ಹೇಗೆ ಹೇಳುವುದು
ಒಮ್ಮೆಮ್ಮೆ ಇದು ಪ್ರೀತಿ ಅನಿಸುವುದು

ಏನೇ ಅಂದರೂ
ಏನೇ ಬಂದರೂ
ಈ ಸ್ವಪ್ನ ನಿಜವಲ್ಲ
ನನ್ನಾಣೆ ನಂಬು ನನ್ನ
ನನ್ನ ಪ್ರೀತಿ ಸುಳ್ಳಲ್ಲ

ಇಳಿ ಸಂಜೆಯ ತಿಳಿ ಮೌನ…

ಕಡಲ ಮುಂದೆ
ನನ್ನ ಹೆಗಲಿಗೆ ನೀನು ಒರಗಿ
ಕೂತಿದ್ದನ್ನು ನೆನೆದು
ಹೃದಯ ಕೊರಗುತ್ತಿದೆ ..
ಪ್ರಾಣ ಬಿಡುವವರೆಗೂ
ನೀನು ಬಿಡುಅಂದರೂ ಬಿಡಲೊಲ್ಲೆ ಎಂದು
ನನ್ನ ಕೈ ಬೆರೆಳುಗಳ ಜೊತೆ ನಿನ್ನ ಕೈ
ಬೆಸೆಯುತ್ತಿದ್ದನು ನೆನೆದು ಕಣ್ಣೀರು ಜಿನುಗುತ್ತಿದೆ .

ಇಳಿ ಸಂಜೆಯ
ತಿಳಿ ಮೌನದಲ್ಲಿ
ನೀನು ಆಡಿದ ಮಾತುಗಳನ್ನೆಲ್ಲಾ
ಅಲೆಗಳು ಕೂಗಿ ಹೇಳಿದಂತಿದೆ ..
ದಡದಲ್ಲಿ ನಾವಿಬ್ಬರೂ
ಜೊತೆಗೆ ನಡೆದಾಡಿದ ಗುರುತನ್ನು
ಅಳಿಸಲು ಅಲೆಗಳು ಮರೆತಂತಿದೆ ..

ನಾನೇಕೆ ನಿನ್ನ ಬಳಿ ಬಂದೆ
ನೀನ್ಯಾಕೆ ನನ್ನ ಬಿಟ್ಟು ಹೋದೆ
ಎಂಬ ಪ್ರಶ್ನೆಗಳಿಗೆ ಉತ್ತರ ಹುಡುಕುತ್ತಿದ್ದರೆ
ಎದೆಗೆ ಯಾರೋ ತಿವಿದಂತಿದೆ
ಆ ನೋವಿನಲ್ಲೇ ಬರೆದ ಸಾಲುಗಳಿಂದಲೇ
ನಾನು ‘ಕವಿ’ಯಾದಂತಿದೆ.
– ಸಜ್ಜನ

ಸರಳ ಸಾಲುಗಳು -5

೧.
ನಿನ್ನನು ಮರೆತು ಬಿಡೋಣ
ಅನ್ನುವಷ್ಟರಲ್ಲಿ
ಹೃದಯದಲ್ಲಿ ನಿನ್ನ ನೆನಪುಗಳ
ಪಥಸಂಚಲನ !

೨.
ನಿನ್ನ ನೆನಪುಗಳನ್ನು
ಹೊದ್ದು ಮಲಗಿದ್ದ ನನಗೆ
ಆಸರೆಯಾಗಿದ್ದು ಗಲ್ಲದ ಮೇಲೆ
ಹರಿದಾಡಿದ ನಾಲ್ಕು ಕಣ್ಣೀರ ಸಾಲುಗಳು

೩.
ನೀನಾಡಿದ ಮಾತುಗಳೆನ್ನಲ್ಲಾ
ನಾನು ಸಂಗ್ರಹಿಸಿದ್ದೇನೆ.
ಒಂದು ಹೊತ್ತಿಗೆ ಹೊರತರಿಲಿದ್ದೇನೆ
“ಮೌನದೊಳಗಿನ ಮಾತುಗಳು ” ಎಂಬ
ಶೀರ್ಷಿಕೆಯಡಿ


ಅವಳ ಮೌನದೊಳಗೆ
ನನ್ನ ಮಾತು ಕೇಳಿಸಲೇ ಇಲ್ಲ
ಅಷ್ಟು ಸದ್ದು ಮಾಡಿತ್ತು ಅವಳ ಮೌನ !

ಸಾವು

ಮತ್ತೆ ಬಾ

Honeyಗವನ#3

ನೂರು
ಹಣತೆಗಳು
ಹಚ್ಚಿದರೂ
ನನ್ನ ಮನದ
ಕತ್ತಲೆಯ ಬೆಳಗದು
ನಿನ್ನ ನಗುವ ಹೊರತು.

Honeyಗವನ!#2

ನೀನು
ಹಚ್ಚಿ ಹೋದ
ಮನದ ದೀಪವು
ನಿನ್ನ ನೆನಪುಗಳಿಂದಲೇ
ಉರಿಯೂತ್ತಿದೆ..
ಎಂದೂ ನಂದಲಾರದ ದೀಪವದು ..