kannada blogs

ದಯವಿಟ್ಟು ಗಮನಿಸಿ #throwbackpost

ಟೈಟಲ್ ಅಲ್ಲೇ ಎಲ್ಲರ ಗಮನ ಸೆಳೆದ ‘ದಯವಿಟ್ಟು ಗಮನಿಸಿ’ ಚಿತ್ರದ ಮೂಹೂರ್ತ ಕಳೆದ ಭಾನುವಾರ ಬಸವನಗುಡಿಯ ದೊಡ್ಡ ಗಣೇಶ ದೇವಸ್ಥಾನದಲ್ಲಿ ಇತ್ತು. ಇರುವೆ ತಂಡ ಈ ಸಿನೆಮಾಗೆ ಮರ್ಚೆನ್‌ಡೈಸ್ ಪಾರ್ಟ್ನರ್ ಆಗಿರುವದರಿಂದ ಚಿತ್ರದ ಡೈರೆಕ್ಟರ್ ರೋಹಿತ್ ಪದಕಿ ಅವರು ನಮ್ಮನ್ನ ಆಹ್ವಾನಿಸಿದ್ದರು

‘ನಮ್ಮನ್ನೂ ಗಮನಿಸಿ’ ಅನ್ನೋತರ ಇರುವೆ ತಂಡದ ಸಂಸ್ಥಾಪಕ ಕೃಷ್ಣಕಾಂತ್ ಹಾಗೂ ಸಂಪಾದಕೀಯ ವಿಭಾಗದಿಂದ ನಾನು (ವಿನಯ್) ಇರುವೆ ಟೀ -ಶರ್ಟ್ ಹಾಕೊಂಡು ಭಾನುವಾರ ಬೆಳ್ಬೆಳಿಗ್ಗೆ ಬಸವನಗುಡಿ ದೊಡ್ದಗಣೇಶ ಟೆಂಪಲ್ ಗೆ ಟಿಫಿನ್ ಮಾಡ್ದೆ ಹೋಗಿದ್ವಿ.

ಚಿತ್ರಕ್ಕೆ ದುಡ್ಡು ಹಾಕಿದ ಯಂಗ್ ಪ್ರೊಡ್ಯೂಸರ್ ಕೃಷ್ಣ ಸಾರ್ಥಕ್ ,ಮ್ಯೂಸಿಕ್ ಡೈರೆಕ್ಟರ್ ಅನೂಪ್ ಸೀಳಿನ್, ನಿರ್ದೇಶಕ ರೋಹಿತ್ ಅವರು ಇದ್ರು. ನಾವ್ ಏನ್ ಮಾಡ್ಬಹುದು ಅನ್ನೋ ಬಗ್ಗೆ ಒಂದು ಚಿಕ್ಕ ಡಿಸ್ಕಷನ್ ಮಾಡಿದ್ವಿ. ಅಷ್ಟೊತ್ತಿಗೆ ಸಿನೆಮಾದಲ್ಲಿ ಆಕ್ಟ್ ಮಾಡುವ ವಶಿಷ್ಠ, ಸಂಗೀತ ಭಟ್ ,ರಾಜೇಶ್ ನಟರಂಗ್, ಪೂರ್ಣಚಂದ್ರ ಎಲ್ಲರೂ ಬಂದ್ರು. ಇನ್ನು ಅತಿಥಿಗಳಾಗಿ ಪವನ್ ವಡೆಯರ್, ವಿಜಯ್ ಪ್ರಸಾದ್,ನವೀನ್ ಸಾಗರ್ ಹಾಜರಾದ್ರು.
ದೊಡ್ದಗಣೇಶನಿಗೆ ಪೂಜೆ ಮಾಡಿ ಕ್ಯಾಮೆರಾಗೂ ಪೂಜೆ ಮಾಡಿ ದೇವರ ಸನ್ನಿಧಿಯಲ್ಲೇ first shot ತಗೆದ್ರು dop ಅರವಿಂದ್ ಕಶ್ಯಪ್.

ಎಲ್ಲರಿಗೂ ಹೊಟ್ಟೆ ಹಸಿದಿದ್ದ ಕಾರಣ ಬೇಗನೇ ಮೂಹೂರ್ತ ಮುಗಿತು ಅನ್ಸುತ್ತೆ. ಟಿಫಿನ್ಗೆ ಪ್ರೊಡ್ಯೂಸರ್ ಖಾರ ಕಮ್ಮಿ ಹಾಕಿಸಿ ಉಪ್ಪಿಟ್ಟು,ಜಾಸ್ತಿ ದ್ರಾಕ್ಷಿ ,ಗೋಡಂಬಿ ಹಾಕಿಸಿ ಕೇಸರಿಬಾತ್ ಮಾಡಿಸಿದ್ರು. ಚಿತ್ರ ಪ್ರಾರಂಭದ ಖುಷಿಗೋ, ಹೊಟ್ಟೆ ಹಸಿವಿಗೋ ಎಲ್ಲರೂ ಎರೆಡೆರಡು ಸಲ ಬ್ಯಾಟಿಂಗ್ ಮಾಡಿದ್ರು.
ಎಲ್ಲರ್ ಬಾಯಲ್ಲೂ ಒಂದೇ ಮಾತು.. ಕೇಸರಿಬಾತ್ Top Class.. ಆಹಾ! ಆ ಕೇಸರಿಬಾತ್ ಬಗ್ಗೆನೇ ಎರಡು ಅಂಕಣ ಬರೀಬಹುದು!
ತಿಂಡಿ ಮುಗಿಸಿದ ಬಳಿಕ ನಾವು ಗಮನಿಸಿದ್ದು.. ತಡವಾಗಿ ಬಂದ ಪ್ರಕಾಶ ಬೆಳವಾಡಿ ಅವರಿಗೆ ಚೌಚೌ ಬಾತ್ ಜಸ್ಟ್ ಮಿಸ್ ಆಗಿದೆ ಅಂತ!
ಹೀಗಿತ್ತು ಈ ಚಿತ್ರದ ಮುಹೂರ್ತ..ನಾವು ಚಿತ್ರ ತಂಡ ಹಾಗೂ ಅತಿಥಿಗಳೊಂದಿಗೆ ಒಂದು ಸೆಲ್ಫಿ ತಗೊಂಡು ಖುಷ್ ಖುಷಿಯಾಗಿ ಮನೆಗ್ ಬಂದ್ವಿ.

ದಯವಿಟ್ಟು ಗಮನಿಸಿ …!

ದಯವಿಟ್ಟು ಗಮನಿಸಿ
ಹುಲುಮಾನವರು ನಾವು
ಒಂಚೂರು ಸಹಕರಿಸಿ
ದೇವಮಾನವರು ನೀವು!
ಪಾಪ ಪುಣ್ಯಗಳ ನೊಂದಾಯಿಸಿ
ಕೊಡು ಶಿಕ್ಷೆ ತಂದೆ ಚೂರು ಕ್ಷಮಿಸಿ
ಸಾಕಪ್ಪ ನಮ್ಗೆ ಈ ಮಂಡೆಬಿಸಿ
ಕೊಡಬೇಡ ಈ ಜನ್ಮ ಮರುಕಳಿಸಿ..
ದಯವಿಟ್ಟು ಗಮನಿಸಿ
ಹುಲುಮಾನವರು ನಾವು….

ಗಲ್ಲಿಗಲ್ಲಿಗೂ ನಿನ್ನ ದೇವಸ್ಥಾನ
ಕಲ್ಲು ಕಲ್ಲಿಗೂ ನಿನ್ನ ನಾಮಕರಣ
ಎಲ್ಲ ಜನನ ಮರಣಕ್ಕೂ ನೀನೇ ಕಾರಣ
ನಿನ್ನ ಹೆಸರಲ್ಲೇ ನಮ್ಮದಿಲ್ಲಿ ರಾಜಕಾರಣ
ಕೊಡಬೇಡ ತಂದೆ ಬಲುದೊಡ್ಡ ಶಿಕ್ಷೆ
ಎತ್ತಲ್ಲ ನಾವು ನಿನ್ನ ಹೆಸರಲ್ಲಿ ಭಿಕ್ಷೆ !
ದಯವಿಟ್ಟು ದಯಪಾಲಿಸಿ
ನಿಮ್ಮ ಭಕ್ತರು ನಾವು
ಒಂಚೂರು ಸಹಕರಿಸಿ
ದೇವಮಾನವರು ನೀವು!

ಎಲ್ಲ ಸುಳ್ಳಿಗೂ ನಿನ್ನ ಮೇಲಾಣೆ
ಸತ್ಯವಾಗಲು ನೀನ್ಯಾರೋ ಕಾಣೆ
ಎಲ್ಲ ಮಂತ್ರಘೋಷಗಳು ನಿನಗೆ ಅರ್ಪಣೆ
ಎಲ್ಲ ಮಾತುಗಳು ನೀ ಬರಕೊಟ್ಟ ಸಂಭಾಷಣೆ!
ದಯವಿಟ್ಟು ಕರುಣಿಸು
ನಿನ್ನ ಅಭಿಮಾನಿಗಳು ನಾವು
ಒಂಚೂರು ಸಹಕರಿಸು
ದೇವಮಾನವರು ನೀವು !!

ಏಕೆ ಬೇಜಾರು ನಿನಗೆಂದೇ …

ಏಕೆ ಬೇಜಾರು ನಿನಗೆಂದೇ
ಬರೆಯುವೆ ಮೊತ್ತೊಂದು ಸಾಲು..
ಸಾವಿರ ನನ್ನ ಕವಿತೆಗಿಂತ
ನಿನ್ನ ಮುದ್ದು ಮೌನವೇ ಎಲ್ಲಕಿಂತ ಮಿಗಿಲು.. ನನ್ನೆದೆಯ ಮುಗಿಲು..
ಕನಸಿನ ಮನೆಗೆ ಬಾಗಿಲು..
ಇರಲಿ ಆ ತುಂಟು ಕೋಪ ಎಂದಿಗೂ ನನ್ನೊಂದಿಗೆ ಹೀಗೆ
ಪ್ರತಿಕ್ಷಣವೂ ನನ್ನದೆಯಲಿ ಮೂಡುತಿರುವ ನಿನ್ನ ದಿವ್ಯ ಮೊಗದ ಹಾಗೆ
ಬೇರೇನು ಬೇಕು ನನಗೆ ಸ್ನೇಹ ನದಿಯ ಬಿಟ್ಟು
ನಿನಾದರೆ ಕಡಲು, ತೀರವೇ ನನ್ನ ಹೃದಯ
ಅಪ್ಪಿಕೋ ನನ್ನನು, ಅಲೆಯು ತೀರವನ್ನು ಅಪ್ಪಳಿಸುವಂತೆ

ಕನ್ನಡ ಸಿನೆಮಾದ ಪರ್ವ ಕಾಲ ನಡೆಯುತ್ತಿದೆ! – ಅಜಯ್ ರಾಜ್

ಕನ್ನಡ ಸಿನೆಮಾದ ಪರ್ವ ಕಾಲ ನಡೆಯುತ್ತಿದೆ! – ಅಜಯ್ ರಾಜ್

ಶುದ್ಧಿ ಟ್ರೈಲರ್ ನೋಡಿದ್ ಮೇಲೆ ಎಲ್ಲರ ಬಾಯಲ್ಲಿಯೂ ಒಂದೇ ಮಾತು , ಹಾಲಿವುಡ್ ಲೆವೆಲ್ ಗೆ ಒಂದು ಕನ್ನಡ ಸಿನೆಮಾ
ತೆಗೆದಿದ್ದಾರೆ! ಅಷ್ಟೊಂದು ಮನೋಜ್ಞವಾಗಿ, ಅಷ್ಟೊಂದು ಕುತೂಹಲ ಹುಟ್ಟಿಸಿದೆ “ಶುದ್ಧಿ” ಸಿನೆಮಾ!
ಟ್ರೈಲರ್ ನಲ್ಲಿ ಕಂಡರೂ ಕಾಣದಂತೆ ಬಂದು ಹೋಗುವ ನಮ್ಮ ಅಜಯ್ ಅವ್ರ್ನ ಮಾತಾಡ್ಸಿದ್ವಿ,
ನಮ್ಮ ಸಂಭಾಷಣೆಯ ತುಣುಕು ಇಲ್ಲಿದೆ

ಹೊಸಬರ ಚಿತ್ರ “ಶುದ್ಧಿ”. ಆದರೂ ಟ್ರೈಲರ್ಗೆ ದೊಡ್ಡ ಮಟ್ಟಿಗೆ ರೆಸ್ಪಾನ್ಸ್ ಕೊಟ್ಟಿದಾರೆ ಕನ್ನಡ ಜನತೆ ಏನ್ ಹೇಳೋಕ್ ಇಷ್ಟ ಪಡ್ತೀರಾ ?

ಲೂಸಿಯಾ ಸಿನೆಮಾ ಕನ್ನಡ ಸಿನೆಮಾ ಕ್ಕೆ ಹೊಸ ಆಯಾಮ ಕೊಟ್ಟಿದೆ ಅಂದ್ರೆ ಉತ್ಪ್ರೇಕ್ಷೆ ಅಲ್ಲ .ಕನ್ನಡ ಸಿನಿ ಪ್ರೇಕ್ಷಕರು ಕೂಡ
ಹೊಸಬರ ಪ್ರಯತ್ನಕ್ಕೆ ಬೆನ್ನುತಟ್ಟುತ್ತ ಬಂದಿದ್ದಾರೆ. ಒಂದು ಒಳ್ಳೆ Content ಇರೋ ಸಿನೆಮಾ ಕೊಟ್ರೆ ಪ್ರೇಕ್ಷಕರು ಕೈಬಿಟ್ಟಿಲ್ಲ. They are
accepting un conventional movies also. ನಮ್ಮ ಸಿನಿಮಾನೂ ಒಪ್ಕೋಳ್ತಾರೆ ಅನ್ನೋ ಭರವಸೆ ಇದೆ

ಶುದ್ಧಿ; ಕಥಾವಸ್ತು ಬಗ್ಗೆ ಏನ್ ಹೇಳ್ತೀರಾ ?

ನಮ್ಮ ದೇಶದಲ್ಲಿ ಹೆಣ್ಣಿನ ಮೇಲೆ ಆಗುತ್ತಿರುವ ದೌರ್ಜನ್ಯ ವಿರುದ್ಧ ಮಾಡಿರುವ concept. ಮೂರು ನೈಜ ಘಟನೆಗಳ ಆದಾರದ ಮೇಲೆ
ರಚಿಸಿದೆ ಕಾಲ್ಪನಿಕ ಚಿತ್ರ ಇದು . ಹೆಸರೇ ಹೇಳುವಾಗೆ ಶುದ್ಧಿ ಅಂದರೆ -Purification. “ನಮ್ಮ ಆಲೋಚನೆಗಳು ಶುದ್ಧಿ ಆದಾಗಲೇ
ನಾವು ಆಂತರಿಕವಾಗಿ ಶುದ್ಧವಾಗಿರಲು ಸಾಧ್ಯ” ಅನ್ನೋದನ್ನ ಸಿನೆಮಾ ಮುಖಾಂತರ ತೋರ್ಸಿದೀವಿ.

visuals ಮತ್ತು background score ಬಗ್ಗೆ ?
ಆದರ್ಶ್ ಅವರು ಸಿನೆಮ್ಯಾಟೋಗ್ರಾಫರ್ ಗಾಗಿ ಹುಡುಕಾಟದಲ್ಲಿದಾಗ, ಆಂಡ್ರೂ ಅವರ ಒಂದು ಕಂಟೆಂಟ್ ಆನ್ಲೈನ್ ನಲ್ಲಿ ಸಿಕ್ಕಿತ್ತು. ಅವರ ವರ್ಕ್ ಇಷ್ಟವಾಗಿ ಆದರ್ಶ್ ಶುದ್ಧಿ ಸಿನೆಮಾದ ಸ್ಕ್ರಿಪ್ಟ್ ಅವರಿಗೆ ಕಳಿಸಿದ್ರು. ಸ್ಕ್ರಿಪ್ಟ್ ಓದಿ ಈ ಸಿನೆಮಾಗೆ ಒಪ್ಪಿಕೊಂಡ್ರು ಆಂಡ್ರೂ.

ಈ ಸಿನೆಮಾಗೆ ಹಿನ್ನೆಲೆ ಸಂಗೀತ, ಒರಿಜಿನಲ್ ಸೌಂಡ್ ಟ್ರ್ಯಾಕ್ ಎಲ್ಲಾ ಜೆಸ್ಸಿ ಕ್ಲಿಂಟನ್ ಅವರು ಮಾಡಿದ್ದು.
Background score ಸಿನಿ ಮಾದ ಬೆನ್ನಲಬು ಅಂತಾನೆ ಹೇಳ್ಬೇಕು.ಚಿತ್ರದಲ್ಲಿ ಒಂದೇ ಹಾಡು ಇರೋದು ಅದನ್ನ “ರಾಮ ರಾಮ ರೇ “ಖ್ಯಾತಿಯ ನೊಬಿನ್ ಅವ್ರು ಮಾಡಿದ್ದಾರೆ. ಅದೂ ಕೊಡ ಅದ್ಭುತವಾಗಿ ಬಂದಿದೆ. ಇನ್ನು ಕೆಲವೇ ದಿನಗಳಲ್ಲಿ ಆಡಿಯೋ ರಿಲೀಸ್ ಮಾಡ್ತೀವಿ

ಸಿನೆಮಾದಲ್ಲಿ ನಿಮ್ಮ ಪಾತ್ರ ?

ಟ್ರೈಲರ್ ನಲ್ಲಿ ಒಂದೇ ಶಾಟ್ ಅಲ್ಲಿದಿನಿ ಆದರೆ ಸಿನೆಮಾ ದಲ್ಲಿ ನನ್ನದು ಅತಿ ಬಹುಮುಖ್ಯ ಪಾತ್ರ ಅಂತಾನೆ ಹೇಳ್ಬವುದು. ಆದರೆ ಜಾಸ್ತಿ
ಏನು ಹೇಳಲ್ಲ . ಸಿನೆಮಾ ನೋಡಿ 🙂 ನಾನು ಉತ್ತಮ ವಿಲ್ಲನ್ ಸಿನೆಮಾ ಮಾಡೋ ಟೈಮ್ ಅಲ್ಲಿ ಆದರ್ಶ್ ಫೋನ್ ಮಾಡಿದ್ರು.
ಮುಂಚೆ ಅವರ ಜೊತೆ ಕಿರುಚಿತ್ರ ಮಾಡಿದ್ದೆ. ಇಂತಹ ಒಂದು ಒಳ್ಳೆ ಸಿನೆಮಾ ಹಾಗೂ ಒಳ್ಳೆ ಪಾತ್ರ ಕೊಟ್ಟ ಆದರ್ಶ ಗೆ ಹಾಟ್ಸ್ ಆಫ್

ಕೊನೆಯದಾಗಿ ನಮ್ಮ ಕನ್ನಡಾಭಿಮಾನಿಗಳಿಗೆ ಒಂದೆರಡು ಮಾತು ?

ನಾನು ಆಗ್ಲೇ ಹೇಳಿದಂಗೆ , ಅವ್ರು ಹೊಸಬರ ಸಿನೆಮಾ ನೋಡ್ತಿದಾರೆ ಹಾಗೆ ಹೊಸ ಹೊಸ ಕಲಾವಿದರು ಒಳ್ಳೊಳ್ಳೆ
ಕ್ವಾಲಿಟಿ ಕಂಟೆಟ್ನ್ ಕೊಡ್ತಿದಾರೆ. ಸೂಪರ್ ಸ್ಟಾರ್ಸ್ ಇಲ್ದಿರೋ ಸಿನೆಮಾ ಗೆಲ್ಲಿಸ್ತಿರೋ ಕನ್ನಡ ಪ್ರೇಕ್ಷಕನೇ ನಿಜವಾದ ಸೂಪರ್ ಸ್ಟಾರ್.
ನಮ್ಮ ಸಿನೆಮಾ ದಯವಿಟ್ಟು ನೋಡಿ ಪ್ರೋತ್ಸಾಹ ವಿರಲಿ

AND
“LET NO SINS OF MAN GO UNPUNISHED”

ನಾನೇ ಗಡ್ಡಧಾರಿ…!

ಇರಲಿ ಬಿಡಿ ಗಡ್ಡ
ಶೇವ್ ಮಾಡೋನ್ ದಡ್ಡ
ಬ್ಲೇಡು ಬೇಡ ಬ್ರದರು
ಗಡ್ಡದು ನೋಡಿ ಖದರು!

ಗಡ್ಡ ಬಿಡೋದೇ ಟ್ರೆಂಡು
ಬಿಟ್ಟೊರೆಲ್ಲ ನಂಗೆ ಫ್ರೆಂಡು
ನಿಮ್ಮ ಖುಷಿಗೆ ಇರಲಿ ಗಡ್ಡ
ಫೀಲಿಂಗ್ಸ್ ಗೆ ಬಿಟ್ಟೋನು ದಡ್ಡ
ಹುಡ್ಗೀರು ಗಡ್ಡಕ್ಕೆ ಫ್ಯಾನು
ಮಾಡ್ಕೋಬೇಡಿ ಮುಖ ಕ್ಲಿನು !
ಮೀಸೆ ತಿರುವಿ ಗಡ್ಡ ಸವರಿ
ಹೇಳಿ,
ನಾನೇ ಗಡ್ಡಧಾರಿ
ಬಿಡ್ರಿ ನಂಗೆ ದಾರಿ !

ಎದೆಯ ಒಳಗೆ ಬರಲು ಬೇಕಾ ಸಮಯ..?!

ಇನಿಯ
ಎದೆಯ ಒಳಗೆ
ಬರಲು ಬೇಕಾ
ಸಮಯ..
ಗೆಳೆಯ
ಕೇಳೋ
ವಿಷಯ
ನಿನದೇ ನನ್ನ
ಹೃದಯ.

20000+ views!

A big thank you to all my readers for this small milestone 🙂

Keep reading! Keep blogging!!

 

ಕನಸಿನ ಬಾಗಿಲು ಬಡಿದು ಏಕೆ ಓಡಿದೆ..

ಕನಸಿನ ಬಾಗಿಲು ಬಡಿದು ಏಕೆ ಓಡಿದೆ
ಈಗಂತೂ ನನ್ನ ಜೀವ ನಿನ್ನೆ ಬೇಡಿದೆ
ಮನಸಿನಲ್ಲಿ ನಿನ್ನ ಮೊಗವು ಹೂವಿನಂತೆ ಅರಳಿದೆ
ಇರುಳಿನಲ್ಲಿ ನಿನ್ನ ನೆನಪು ಬಿಡದೇ ನನ್ನ ಕಾಡಿದೆ
ಬದುಕಲ್ಲಿ ಭರವಸೆಯ ತಂದೊಳೋ ನೀನಲ್ಲವೇ
ಕಣ್ಣೀರ ಹನಿಯಲ್ಲೂ ಕವನ ಬರೆಯಬೇಕೇ
ಬದುಕಲ್ಲಿ ಭರವಸೆಯ ತಂದೊಳೋ ನೀನಲ್ಲವೇ
ಕಣ್ಣೀರ ಹನಿಯಲ್ಲೂ ಕವನ ಬರೆಯಬೇಕೇ…….

ಕಳೆದು ಹೋಗಿರುವೆ ಹುಡುಕಿ ಕೊಡಿ..

ಸದಾ ಜೇಬಲ್ಲಿ ಕೂತು ಆಗೊಮ್ಮೆ ಈಗೊಮ್ಮೆ
ನನ್ನೇ ಮರೆತು ನಾನಿರುವ ಕಲ್ಪನಾ ಲೋಕವನ್ನು
ಕಂಡ ಹಾಗೆ ಹಾಳೆಗಳಿಗೆ ಇಳಿಸುತ್ತಿದ್ದ ನನ್ನ ಲೇಖನಿ
ಇಂದೇಕೋ ನನ್ನಿಂದ ದೂರ..
ಸ್ವಪ್ನಗಳಿಗೆ ಮಾತ್ರ ನಾನಿಂದು ಸ್ವಂತ
ವಾಸ್ತವಕ್ಕೆ ಮತ್ತೆ ಅಪರಿಚಿತ.

ದಾರಿ ಕಳೆದುಕೊಂಡಿರುವೆ ಹುಡುಕಿ ಕೊಡಿ!!
ಇದು ಯಾರ ಪ್ರಯಾಣ ಅನ್ನಿಸಿ ಒಮ್ಮೆಲೇ
ಯಾನ ನಿಲ್ಲಿಸುವ ಮನಸು. ಮತ್ತದೇ ಪ್ರಶ್ನೆ
ಯಾವ ದಾರಿ ಹಿಡಿಯಲಿ ? ಯಾವುದು ನನ್ನದು ?

ಕೂಡಿಟ್ಟ ಕನಸುಗಳನ್ನು ಕಳೆದಿರುವೆ ಹುಡುಕಿ ಕೊಡಿ
ನಾನು ಕೇವಲ ಕನಸುಗಳಿಗೆ ಮಾತ್ರ ಸ್ವಂತ , ಹೇಗಾದ್ರು ಮಾಡಿ ನನ್ನ ಹುಡುಕಿ ಕೊಡಿ!

ಕಳೆದು ಹೋಗಿರುವೆ ಹುಡುಕಿ ಕೊಡಿ..!!

ಬರೀ ಫ್ರೆಂಚ್ ಮಾತಾಡೋ ದೇಶದಲ್ಲಿ ಕೂತು ಬರೆದ ಒಂದಷ್ಟು ಹನಿಗಳು

ಕನಸಿನಲ್ಲಿ ನೀನು ಬಂದಂತೆ..
ಕಣ್ಣಿನಲ್ಲೇ ನನ್ನ ಕರೆದಂತೆ
ಕಿವಿಯಲೇನೋ ಪಿಸಿನುಡಿದಂತೆ
ನಗುವೆಯೇಕೆ ಏನು ತಿಳಿಯದಂತೆ..

ನಿನ್ನ ಕೈ ಹಿಡಿದು
ಒಂದೆರಡು ಕವನ ನುಡಿದು
ಅಪ್ಪುಗೆಯ ಬಯಸುವೆನು
ನೀನು ಒಪ್ಪಿದರೆ..
ನಿನ್ನ ಬೆರಳ ಹಿಡಿದು
ಬರೆಯುವೆನು ಎದೆಯಮೇಲೆ
ನನ್ನೆಲ್ಲ ಭಾವನೆಗಳ ಸುರಿದು
ತಿದ್ದಿ ಬಿಡು ನಾ ತಪ್ಪಿದರೆ..
ಅಪ್ಪಿ ಬಿಡು ನೀ ಒಪ್ಪಿದರೆ..

ಚಳಿಯು ಮೈಗೆ ಕಚಗುಳಿ ಕೊಟ್ಟಂತೆ
ಮಳೆಯೂ ಬಂದು ಮನ ನೆನದಂತೆ
ಕಂಡ ಕನಸು ನನಸಾದಂತೆ
ನಿನ್ನನು ನೋಡಿದರೆ….