Kannada one liners

ಐಟಿ ಕಣೋ ಐಟಿ …

ಐಟಿ ಬದುಕಿನ ಬಗ್ಗೆ ನಾನು ಬರೆದ ಕೆಲವು ಚುಟುಕುಗಳನ್ನು ಒಪ್ಪಿಕೊಂಡಿದ್ದಿರಿ. ಮತ್ತೆ ಒಂದಿಷ್ಟು ಚುಟುಕುಗಳನ್ನು ಹೊತ್ತು ತರುತ್ತೇನೆ. ನಿಮ್ಮ ಬೆಂಬಲ ಹೀಗೆ ಇರಲಿ..

try1

ಐಟಿವಚನ-೧೫

ಆಫೀಸಿನ ಹತ್ತಿರವೇ ಮನೆಯಿರಲು
ಅಪ್ಪ ಅಮ್ಮ ಜೊತೆಯಿರಲು
ದಿನವೂ ಅಮ್ಮನ ಅಡುಗೆ ಸಿಗುತಿರಲು
ಸ್ವರ್ಗಕ್ಕೆ ಕಿಚ್ಚು ಹಚ್ಚೆಂದ
– ಐಟಿತಜ್ಞ!

ನೀನು

ನೀನು
ಕನಸಿನ ಪುಟದೊಳಗೆ
ನವಿರಾಗಿ ಮೂಡಿದ
ನವಿಲುಗರಿ!

ನೀನು
ನನ್ನ ಅಂತರಂಗದ
ನಿರಂತರ ಅನ್ವೇಷಣೆ !

Peace

“If you cannot find peace within yourself, you will never find it anywhere else.”

Marvin Gaye

ಐಟಿತಜ್ಞ – ೮

ಊರಲ್ಲಿ ಮನೆಯಿದ್ದರೂ
ಬೆಂಗಳೂರಲ್ಲಿ ಮನೆಗಾಗಿ Home Loanu
ಮನೆಯಲ್ಲಿ ಬೈಕು ಎರಡೆರಡಿದ್ದರೂ
ಕಾರ್ ತೆಗೆದುಕೊಳ್ಳುವ planu 
ಎಷ್ಟು salary ಇದ್ದರೂ
savings ಇಲ್ಲವೆನ್ನುವನು
– ಐಟಿತಜ್ಞ

ಕವಿತೆಯೆಂದರೆ ಹಾಗೇ..

ಕವಿತೆಯೆಂದರೆ ಹಾಗೇ..

ಬೆನ್ನುತಟ್ಟುವ ತಂದೆಯಂತೆ
ಕಣ್ಣೊರೆಸುವ ತಾಯಿಯಂತೆ!

ನಾ ಶೂನ್ಯವಾದೆ

ನೀನು
ನಾ ಬರೆಯಲಾಗದ
ಕವನ!

ನಿನ್ನ ಕಣ್ಣಸನ್ನೆಗೆ
ನಾ ಶೂನ್ಯವಾದೆ
ನೀ ತುಂಬಲೇಬೇಕು ನಷ್ಟ
ನೀ ನನಗೆ ಇಷ್ಟ!

ಅವಳು

ನಿನ್ನಿಂದ ನಾ ಮರುಳಾದೆ…

ಕಣ್ಣಲ್ಲಿ ಕರೆ ನೀಡಿ
ಎದೆಯ ಗೆರೆ ದಾಟಿ
ಹೃದಯ ಲೂಟಿ ಮಾಡಿ
ನೀನೆಲ್ಲಿ ಮರೆಯಾದೆ
ನಿನ್ನಿಂದ ನಾ ಮರುಳಾದೆ..

ಹೂವಿನ ಸಾಲು ನೀಡಿ
ಕನಸಿನಲಿ ಪಾಲು ಬೇಡಿ
ನಿನ್ನಲ್ಲಿ ನಾ ಸೆರೆಯಾದೆ
ನಿನ್ನಿಂದ ನಾ ಮರುಳಾದೆ

ಮಳೆಯಲಿ ಕೊಡೆ ಹಿಡಿದು…

ಮಳೆಯಲಿ ಕೊಡೆ ಹಿಡಿದು
ಹೊರಟವಳ ಜಡೆ ಕಂಡು
ಮನದ ಮುಗಿಲಲ್ಲಿ ಮುಂಗಾರು ಮಳೆ

ಹಸಿಯಾದ ನೆಲಕೆ ಬೀಳದಂತೆ
ಮೈತಬ್ಬಿದ ದುಪ್ಪಟ ಜಾರದಂತೆ
ಕೊಡೆ ಬಿಗಿ ಹಿಡಿದು
ಆಗೊಮ್ಮೆ ಇಗೊಮ್ಮೆ ಜಿಗಿದು
ತನ್ನ ಕಾಲ್ಗೆಜ್ಜೆ ಸದ್ದು ಮಾಡುವಾಗ
ಮಳೆ ಹನಿಗಳೂ ಅದರ ತಾಳಕ್ಕೆ ಕುಣಿದವು
ಅವಳಿಗೆ ಗೊತ್ತಾಗದಂತೆ ಅವಳ
ಪಾದ ತೊಳೆದವು!