kannada poetry

ಏಕೆ ಬೇಜಾರು ನಿನಗೆಂದೇ …

ಏಕೆ ಬೇಜಾರು ನಿನಗೆಂದೇ
ಬರೆಯುವೆ ಮೊತ್ತೊಂದು ಸಾಲು..
ಸಾವಿರ ನನ್ನ ಕವಿತೆಗಿಂತ
ನಿನ್ನ ಮುದ್ದು ಮೌನವೇ ಎಲ್ಲಕಿಂತ ಮಿಗಿಲು.. ನನ್ನೆದೆಯ ಮುಗಿಲು..
ಕನಸಿನ ಮನೆಗೆ ಬಾಗಿಲು..
ಇರಲಿ ಆ ತುಂಟು ಕೋಪ ಎಂದಿಗೂ ನನ್ನೊಂದಿಗೆ ಹೀಗೆ
ಪ್ರತಿಕ್ಷಣವೂ ನನ್ನದೆಯಲಿ ಮೂಡುತಿರುವ ನಿನ್ನ ದಿವ್ಯ ಮೊಗದ ಹಾಗೆ
ಬೇರೇನು ಬೇಕು ನನಗೆ ಸ್ನೇಹ ನದಿಯ ಬಿಟ್ಟು
ನಿನಾದರೆ ಕಡಲು, ತೀರವೇ ನನ್ನ ಹೃದಯ
ಅಪ್ಪಿಕೋ ನನ್ನನು, ಅಲೆಯು ತೀರವನ್ನು ಅಪ್ಪಳಿಸುವಂತೆ

ಕನ್ನಡ ಸಿನೆಮಾದ ಪರ್ವ ಕಾಲ ನಡೆಯುತ್ತಿದೆ! – ಅಜಯ್ ರಾಜ್

ಕನ್ನಡ ಸಿನೆಮಾದ ಪರ್ವ ಕಾಲ ನಡೆಯುತ್ತಿದೆ! – ಅಜಯ್ ರಾಜ್

ಶುದ್ಧಿ ಟ್ರೈಲರ್ ನೋಡಿದ್ ಮೇಲೆ ಎಲ್ಲರ ಬಾಯಲ್ಲಿಯೂ ಒಂದೇ ಮಾತು , ಹಾಲಿವುಡ್ ಲೆವೆಲ್ ಗೆ ಒಂದು ಕನ್ನಡ ಸಿನೆಮಾ
ತೆಗೆದಿದ್ದಾರೆ! ಅಷ್ಟೊಂದು ಮನೋಜ್ಞವಾಗಿ, ಅಷ್ಟೊಂದು ಕುತೂಹಲ ಹುಟ್ಟಿಸಿದೆ “ಶುದ್ಧಿ” ಸಿನೆಮಾ!
ಟ್ರೈಲರ್ ನಲ್ಲಿ ಕಂಡರೂ ಕಾಣದಂತೆ ಬಂದು ಹೋಗುವ ನಮ್ಮ ಅಜಯ್ ಅವ್ರ್ನ ಮಾತಾಡ್ಸಿದ್ವಿ,
ನಮ್ಮ ಸಂಭಾಷಣೆಯ ತುಣುಕು ಇಲ್ಲಿದೆ

ಹೊಸಬರ ಚಿತ್ರ “ಶುದ್ಧಿ”. ಆದರೂ ಟ್ರೈಲರ್ಗೆ ದೊಡ್ಡ ಮಟ್ಟಿಗೆ ರೆಸ್ಪಾನ್ಸ್ ಕೊಟ್ಟಿದಾರೆ ಕನ್ನಡ ಜನತೆ ಏನ್ ಹೇಳೋಕ್ ಇಷ್ಟ ಪಡ್ತೀರಾ ?

ಲೂಸಿಯಾ ಸಿನೆಮಾ ಕನ್ನಡ ಸಿನೆಮಾ ಕ್ಕೆ ಹೊಸ ಆಯಾಮ ಕೊಟ್ಟಿದೆ ಅಂದ್ರೆ ಉತ್ಪ್ರೇಕ್ಷೆ ಅಲ್ಲ .ಕನ್ನಡ ಸಿನಿ ಪ್ರೇಕ್ಷಕರು ಕೂಡ
ಹೊಸಬರ ಪ್ರಯತ್ನಕ್ಕೆ ಬೆನ್ನುತಟ್ಟುತ್ತ ಬಂದಿದ್ದಾರೆ. ಒಂದು ಒಳ್ಳೆ Content ಇರೋ ಸಿನೆಮಾ ಕೊಟ್ರೆ ಪ್ರೇಕ್ಷಕರು ಕೈಬಿಟ್ಟಿಲ್ಲ. They are
accepting un conventional movies also. ನಮ್ಮ ಸಿನಿಮಾನೂ ಒಪ್ಕೋಳ್ತಾರೆ ಅನ್ನೋ ಭರವಸೆ ಇದೆ

ಶುದ್ಧಿ; ಕಥಾವಸ್ತು ಬಗ್ಗೆ ಏನ್ ಹೇಳ್ತೀರಾ ?

ನಮ್ಮ ದೇಶದಲ್ಲಿ ಹೆಣ್ಣಿನ ಮೇಲೆ ಆಗುತ್ತಿರುವ ದೌರ್ಜನ್ಯ ವಿರುದ್ಧ ಮಾಡಿರುವ concept. ಮೂರು ನೈಜ ಘಟನೆಗಳ ಆದಾರದ ಮೇಲೆ
ರಚಿಸಿದೆ ಕಾಲ್ಪನಿಕ ಚಿತ್ರ ಇದು . ಹೆಸರೇ ಹೇಳುವಾಗೆ ಶುದ್ಧಿ ಅಂದರೆ -Purification. “ನಮ್ಮ ಆಲೋಚನೆಗಳು ಶುದ್ಧಿ ಆದಾಗಲೇ
ನಾವು ಆಂತರಿಕವಾಗಿ ಶುದ್ಧವಾಗಿರಲು ಸಾಧ್ಯ” ಅನ್ನೋದನ್ನ ಸಿನೆಮಾ ಮುಖಾಂತರ ತೋರ್ಸಿದೀವಿ.

visuals ಮತ್ತು background score ಬಗ್ಗೆ ?
ಆದರ್ಶ್ ಅವರು ಸಿನೆಮ್ಯಾಟೋಗ್ರಾಫರ್ ಗಾಗಿ ಹುಡುಕಾಟದಲ್ಲಿದಾಗ, ಆಂಡ್ರೂ ಅವರ ಒಂದು ಕಂಟೆಂಟ್ ಆನ್ಲೈನ್ ನಲ್ಲಿ ಸಿಕ್ಕಿತ್ತು. ಅವರ ವರ್ಕ್ ಇಷ್ಟವಾಗಿ ಆದರ್ಶ್ ಶುದ್ಧಿ ಸಿನೆಮಾದ ಸ್ಕ್ರಿಪ್ಟ್ ಅವರಿಗೆ ಕಳಿಸಿದ್ರು. ಸ್ಕ್ರಿಪ್ಟ್ ಓದಿ ಈ ಸಿನೆಮಾಗೆ ಒಪ್ಪಿಕೊಂಡ್ರು ಆಂಡ್ರೂ.

ಈ ಸಿನೆಮಾಗೆ ಹಿನ್ನೆಲೆ ಸಂಗೀತ, ಒರಿಜಿನಲ್ ಸೌಂಡ್ ಟ್ರ್ಯಾಕ್ ಎಲ್ಲಾ ಜೆಸ್ಸಿ ಕ್ಲಿಂಟನ್ ಅವರು ಮಾಡಿದ್ದು.
Background score ಸಿನಿ ಮಾದ ಬೆನ್ನಲಬು ಅಂತಾನೆ ಹೇಳ್ಬೇಕು.ಚಿತ್ರದಲ್ಲಿ ಒಂದೇ ಹಾಡು ಇರೋದು ಅದನ್ನ “ರಾಮ ರಾಮ ರೇ “ಖ್ಯಾತಿಯ ನೊಬಿನ್ ಅವ್ರು ಮಾಡಿದ್ದಾರೆ. ಅದೂ ಕೊಡ ಅದ್ಭುತವಾಗಿ ಬಂದಿದೆ. ಇನ್ನು ಕೆಲವೇ ದಿನಗಳಲ್ಲಿ ಆಡಿಯೋ ರಿಲೀಸ್ ಮಾಡ್ತೀವಿ

ಸಿನೆಮಾದಲ್ಲಿ ನಿಮ್ಮ ಪಾತ್ರ ?

ಟ್ರೈಲರ್ ನಲ್ಲಿ ಒಂದೇ ಶಾಟ್ ಅಲ್ಲಿದಿನಿ ಆದರೆ ಸಿನೆಮಾ ದಲ್ಲಿ ನನ್ನದು ಅತಿ ಬಹುಮುಖ್ಯ ಪಾತ್ರ ಅಂತಾನೆ ಹೇಳ್ಬವುದು. ಆದರೆ ಜಾಸ್ತಿ
ಏನು ಹೇಳಲ್ಲ . ಸಿನೆಮಾ ನೋಡಿ 🙂 ನಾನು ಉತ್ತಮ ವಿಲ್ಲನ್ ಸಿನೆಮಾ ಮಾಡೋ ಟೈಮ್ ಅಲ್ಲಿ ಆದರ್ಶ್ ಫೋನ್ ಮಾಡಿದ್ರು.
ಮುಂಚೆ ಅವರ ಜೊತೆ ಕಿರುಚಿತ್ರ ಮಾಡಿದ್ದೆ. ಇಂತಹ ಒಂದು ಒಳ್ಳೆ ಸಿನೆಮಾ ಹಾಗೂ ಒಳ್ಳೆ ಪಾತ್ರ ಕೊಟ್ಟ ಆದರ್ಶ ಗೆ ಹಾಟ್ಸ್ ಆಫ್

ಕೊನೆಯದಾಗಿ ನಮ್ಮ ಕನ್ನಡಾಭಿಮಾನಿಗಳಿಗೆ ಒಂದೆರಡು ಮಾತು ?

ನಾನು ಆಗ್ಲೇ ಹೇಳಿದಂಗೆ , ಅವ್ರು ಹೊಸಬರ ಸಿನೆಮಾ ನೋಡ್ತಿದಾರೆ ಹಾಗೆ ಹೊಸ ಹೊಸ ಕಲಾವಿದರು ಒಳ್ಳೊಳ್ಳೆ
ಕ್ವಾಲಿಟಿ ಕಂಟೆಟ್ನ್ ಕೊಡ್ತಿದಾರೆ. ಸೂಪರ್ ಸ್ಟಾರ್ಸ್ ಇಲ್ದಿರೋ ಸಿನೆಮಾ ಗೆಲ್ಲಿಸ್ತಿರೋ ಕನ್ನಡ ಪ್ರೇಕ್ಷಕನೇ ನಿಜವಾದ ಸೂಪರ್ ಸ್ಟಾರ್.
ನಮ್ಮ ಸಿನೆಮಾ ದಯವಿಟ್ಟು ನೋಡಿ ಪ್ರೋತ್ಸಾಹ ವಿರಲಿ

AND
“LET NO SINS OF MAN GO UNPUNISHED”

ಎದೆಯ ಒಳಗೆ ಬರಲು ಬೇಕಾ ಸಮಯ..?!

ಇನಿಯ
ಎದೆಯ ಒಳಗೆ
ಬರಲು ಬೇಕಾ
ಸಮಯ..
ಗೆಳೆಯ
ಕೇಳೋ
ವಿಷಯ
ನಿನದೇ ನನ್ನ
ಹೃದಯ.

20000+ views!

A big thank you to all my readers for this small milestone 🙂

Keep reading! Keep blogging!!

 

ಕಳೆದು ಹೋಗಿರುವೆ ಹುಡುಕಿ ಕೊಡಿ..

ಸದಾ ಜೇಬಲ್ಲಿ ಕೂತು ಆಗೊಮ್ಮೆ ಈಗೊಮ್ಮೆ
ನನ್ನೇ ಮರೆತು ನಾನಿರುವ ಕಲ್ಪನಾ ಲೋಕವನ್ನು
ಕಂಡ ಹಾಗೆ ಹಾಳೆಗಳಿಗೆ ಇಳಿಸುತ್ತಿದ್ದ ನನ್ನ ಲೇಖನಿ
ಇಂದೇಕೋ ನನ್ನಿಂದ ದೂರ..
ಸ್ವಪ್ನಗಳಿಗೆ ಮಾತ್ರ ನಾನಿಂದು ಸ್ವಂತ
ವಾಸ್ತವಕ್ಕೆ ಮತ್ತೆ ಅಪರಿಚಿತ.

ದಾರಿ ಕಳೆದುಕೊಂಡಿರುವೆ ಹುಡುಕಿ ಕೊಡಿ!!
ಇದು ಯಾರ ಪ್ರಯಾಣ ಅನ್ನಿಸಿ ಒಮ್ಮೆಲೇ
ಯಾನ ನಿಲ್ಲಿಸುವ ಮನಸು. ಮತ್ತದೇ ಪ್ರಶ್ನೆ
ಯಾವ ದಾರಿ ಹಿಡಿಯಲಿ ? ಯಾವುದು ನನ್ನದು ?

ಕೂಡಿಟ್ಟ ಕನಸುಗಳನ್ನು ಕಳೆದಿರುವೆ ಹುಡುಕಿ ಕೊಡಿ
ನಾನು ಕೇವಲ ಕನಸುಗಳಿಗೆ ಮಾತ್ರ ಸ್ವಂತ , ಹೇಗಾದ್ರು ಮಾಡಿ ನನ್ನ ಹುಡುಕಿ ಕೊಡಿ!

ಕಳೆದು ಹೋಗಿರುವೆ ಹುಡುಕಿ ಕೊಡಿ..!!

ಪುಟ್ಟ ಕಥೆಗಳು – 5

ತನಗೆ ಕೊಟ್ಟ ಸುಪಾರಿಯಂತೆ ಉಗ್ರಗಾಮಿ ಒಬ್ಬ ಒಂದು ಶಾಲೆ ಮೇಲೆ ಅವಿತು ತನ್ನ ಬಂದೂಕಿನ ಕಣ್ಣಿನಲ್ಲಿ
ತನ್ನ ಕಣ್ಣು ನಿಗಾವಿಟ್ಟು, ಒಂದು ಮಗುವಿನ ಹತ್ಯೆಗೆಯ್ಯಲು ಕಾಯುತ್ತಿದ್ದ ರಣಹದ್ದಿನಂತೆ.
ಆಟವಾಡುತ್ತಲೇ ಓಡಿ ಬಂದ ಅವನದೇ ಮಗು ಆತನ ಬಂದೂಕಿನ ಕಣ್ಣಿನಲ್ಲಿ ಕಾಣಿಸಿಕೊಂಡಿತು.
ತನ್ನ ಮಗನ ಶಾಲೆಯೇ ಮೇಲೆ ಅವನು ಕುಳಿತಿರುವುದು ಅವನಿಗೆ ಆಗ ಅರಿವಿಗೆ ಬಂದು, ತನ್ನ ಮೇಲೆ ಕೋಪಬಂದು, ಬಂದೂಕಿನ ಟ್ರಿಗರ್ ಮೇಲಿನ ತನ್ನ ಬೆರಳನ್ನು ತೆಗೆದು ಅಲ್ಲಿಂದ ನಿರ್ಗಮಿಸಲು ತಯಾರಾಗುತ್ತಿದಂತೆ , ಇನ್ನೊಂದು ಮಹಡಿ ಮೇಲೆ ಇವನ ಮೇಲೆ ನಿಗಾವಿಟ್ಟಿದ್ದ ಇನ್ನೊಬ್ಬನ ಬಂದೂಕಿನ ಗುಂಡು ನೇರವಾಗಿ ಅವನ ತಲೆ ಸೀಳಿಕೊಂಡು ಹೋಯಿತು ಅವನ ಪ್ರಾಣದೊಂದಿಗೆ.
ತಾನು ಕೊಂದದ್ದು ತನ್ನ ಅಣ್ಣನೆಂದು ಆ ಬಂದೂಕುಧಾರಿಗೆ ಆ ಸಮಯಕ್ಕೆ ಗೊತ್ತಿರಲಿಲ್ಲ!!

ಬಾಲ್ಯಪರಾಧ ಮಾಡಿ ಸೆರೆವಾಸದಲ್ಲಿದ್ದ ಒಬ್ಬ ವ್ಯಕ್ತಿ ಬರೋಬ್ಬರಿ 35 ವರ್ಷದ ನಂತರ ಜೈಲಿನಿಂದ ಬಿಡುಗೊಡೆ
ಯಾಗಿ ತನ್ನೂರಿಗೆ ಬಂದ. ತನ್ನ ಮನೆಯವರು ಯಾರೂ ಅವನನ್ನು ಗುರುತಿಸಲಿಲ್ಲ. ಕೆಲವರು ಗೊತ್ತಿದ್ದರೂ ಅವನನ್ನು ದೂರ ಮಾಡಿದರು. ನಾಡಿನಲ್ಲಿ ಸ್ವತಂತ್ರವಾಗಿ ಮನೆಯವರ ಜೊತೆ ಜೀವಿಸಬೇಕೆಂದು ಜೈಲಿನ ನಾಲ್ಕು ಗೋಡೆಯ ನಡುವೆ ಕಟ್ಟಿದ್ದ ಕನಸೆಲ್ಲವೂ ಕರಗುತ್ತ ಬಂದಿತು.ಕೊನೆಗೆ ಅವನಿಗೆ ನಾಡೇ ನರಕವಾಗಿ ಜೈಲು ಸ್ವರ್ಗವೆನಿಸಿತು. ಮತ್ತೆ ಜೈಲಿಗೆ ಹೋಗಲು ಅವನು ಸಣ್ಣ ಪುಟ್ಟ ಪ್ರಯತ್ನ ಮಾಡುತ್ತಿದ್ದ. ಆದರೆ ಯಾವುದೇ ಸಾಕ್ಷ್ಯದಾರವಿಲ್ಲದೆ ಅವನಿಗೆ ಯಾವ ಶಿಕ್ಷೆಯೂ ಆಗುತ್ತಿರಲಿಲ್ಲ.
ಕೊನೆಗೆ ಒಂದು ದಿನ , ಜೈಲಿನ ಹಿಂಭಾಗದ ಗೋಡೆಯನ್ನೇರಿ, ಹಾಕಿದ್ದ ಕಬ್ಬಿಣ ಸರಳುಗಳನ್ನು ಮುರಿದು

ಪುಟ್ಟ ಕಥೆಗಳು – 4

ಅವನಿಗೆ ಯಾವುದರಲ್ಲಿಯೂ ತೃಪ್ತಿ ಇರಲಿಲ್ಲ
ಸದಾ ನಷ್ಟದ ಬಗ್ಗೆ, ಸೋಲಿನ ಬಗ್ಗೆ ಯೋಚಿಸಿ ತನ್ನನ್ನೇ ತಾನು ದ್ವೇಷಿಸುತ್ತಿದ್ದ.
ಅವನ ಮನೆಯವರು ಭಯಗೊಂಡು, ರಕ್ತ ತಪಾಸಣೆ ಮಾಡಿಸಿದರು
ಎಲ್ಲವೂ ನಾರ್ಮಲ್ ಆಗಿತ್ತು. ಬಿ ಪಾಸಿಟಿವ್ ಅಂತ ಆತನ ರಕ್ತ ಹೇಳುತ್ತಿತ್ತು!!

ಒಬ್ಬನಿಗೆ ತಾನು ಪೇಪರ್ ನಲ್ಲಿ ಬರಬೇಕೆಂಬ ಹುಚ್ಚು ಆಸೆ ಇತ್ತು.
ಒಂದು ಸಾಧನೆಗೆ ಬೇಕಾದ ಎಲ್ಲಾ ತಯಾರಿಯು ಮಾಡಿದ್ದ
ಆದರೆ ಆತನ ಸಾಧನೆ ಯಾರ ಗಮನಕ್ಕೂ ಬರುತ್ತಿರಲಿಲ್ಲ
ಕೊನೆಗೆ ಒಂದು ದಿನ. ಅವನು ಬೇಸರಗೊಂಡು ಆತ್ಮಹತ್ಯೆ ಮಾಡಿಕೊಂಡ.
ಮರುದಿನವೇ ಎಲ್ಲಾ ಪೇಪರ್ ಗಳಲ್ಲಿ
” ನಗರದಲ್ಲಿ ಯುವಕನ ಆತ್ಮಹತ್ಯೆ” ತಲೆಬರಹದೊಂದಿಗೆ ಅವನ ಹಣೆಬರಹ ಮುಗಿದಿತ್ತು

ಹೆಣ್ಣು ಮಗು ಎಂಬ ಕಾರಣದಿಂದ ಒಬ್ಬ ತಾಯಿ ಗಂಗಮ್ಮ
ತನ್ನ ಗಂಡ ಮತ್ತು ಗಂಡನ ಮನೆಯವರ ಒತ್ತಾಯಕ್ಕೆ ಮಣಿದು, ಆ ಹೆಣ್ಣು ಮಗುವನ್ನು
ಅನಾಥಾಶ್ರಮಕ್ಕೆ ಸೇರಿಸುತ್ತಾಳೆ.
35 ವರ್ಷದ ನಂತರ, ತನ್ನ ಇಬ್ಬರು ಗಂಡು ಮಕ್ಕಳು ಅವಳನ್ನು ಮನೆಯಿಂದ ಆಚೆ ಹಾಕುತ್ತಾರೆ.
ಗಂಗಮ್ಮ ವಿಧಿಯಿಲ್ಲದೇ ವೃದ್ಧಾಶ್ರಮಕ್ಕೆ ಬರುತ್ತಾಳೆ.
ಆ ವೃದ್ಧಾಶ್ರಮ ಸ್ಥಾಪಿಸಿದವರು – ಅನಾಥೆಯಾಗಿ ಬೆಳೆದ ಗಂಗಮ್ಮನ ಮಗಳು

ಪುಟ್ಟ ಕಥೆಗಳು – 3

ಕೆಂಪು ಸಿಗ್ನಲ್ ಬಿದ್ದಿತು
ಎಲ್ಲ ವಾಹನಗಳು ಸ್ಥಬ್ದವಾದವು.
ಭಿಕ್ಷುಗರಿಗೆ ಮಾತ್ರ
ಅದು ಹಸಿರು ಸಿಗ್ನಲ್ ಆಗಿತ್ತು!

ಅವನು ಫ್ರೆಂಡ್ ರಿಕ್ವೆಸ್ಟ್ ಕಳುಹಿಸಿದನು
ಅವಳು accept ಮಾಡಿದಳು
ಅವನು ಅವಳ ಫೋಟೋ ಲೈಕ್ ಮಾಡಿದನು
ಇವಳು ಸಹ ಅವನ ಫೋಟೋ ಲೈಕ್ ಮಾಡಿದಳು
ಅವನು ಲವ್ ಯೋ ಅಂತ ಮೆಸೇಜ್ ಕಳುಹಿಸಿದ
ಅವಳು ಅವನನ್ನು ಬ್ಲಾಕ್ ಮಾಡಿದಳು
ಇವನೂ ಅವಳನ್ನು ಬ್ಲಾಕ್ ಮಾಡಿ,
ಮೊತ್ತೊಬ್ಬಳಿಗೆ ರಿಕ್ವೆಸ್ಟ್ ಕಳುಹಿಸಿದನು.

ಅಂದು ಅವನು ಪ್ರೀತಿಸುತ್ತಿದ್ದ ಹುಡುಗಿಯ ಮದುವೆ ಇತ್ತು.
ಬದುಕದಿರಲು ನಿರ್ಣಯಿಸಿ, ರೇಲ್ವೆ ಹಳಿ ಮೇಲೆ ಕುಳಿತು ರೈಲಿಗಾಗಿ ಕಾಯುತ್ತಿದ್ದ
ತನ್ನ ಇನಿಯನ ಮದುವೆ ನೋಡಲಾಗದೆ ಆತ್ಮಹತ್ಯಗೆ ಅವಳು ಬಂದಿದ್ದಳು.
ರೈಲು ಬರೋದ್ರೊಳಗೆ ಅವರಿಬ್ಬರ ಸ್ನೇಹವಾಗಿತ್ತು.
ಮುಂದಿನವಾರ ಅದೇ ಮಂಟಪದಲ್ಲಿ ಅವರಿಬ್ಬರ ಮದುವೆ!
ಪ್ರೀತಿ ಮಧುರ : ಬದುಕು ಸುಂದರ !!

ಪುಟ್ಟ ಕಥೆಗಳು – 2

ಎಷ್ಟೋ ವರುಷಗಳ ನಂತರ
ತನ್ನ ಊರಿನ ಶಾಲೆಗೆ ಹೋಗಿದ್ದ.
ತನ್ನ ತರಗತಿಯ ನಾಲ್ಕನೇ ಬೆಂಚಿನ ಮೇಲೆ
ಅಂದು ಗೀಚಿದ್ದ ಅವಳ ಹೆಸರು ಇನ್ನು ಹಾಗೆಯೇ ಇತ್ತು!
ಅವನ ಮನಸಿನಲ್ಲಿದ್ದ ಹಾಗೆ!

ಅವನು ಅಂದು ರಾತ್ರಿ ಮನೆ ಬಿಟ್ಟು ಹೋಗಿದ್ದ
ಮನೆಯವರು ಎಷ್ಟು ಹುಡುಕಿದರೂ ಸಿಗಲಿಲ್ಲ,
ಪೊಲೀಸರಿಗೆ ದೂರು ಕೊಟ್ಟು ಹುಡುಕಿಸಿದರೂ ಸಿಗಲಿಲ್ಲ
ಒಂದೇ ವಾರದಲ್ಲಿ ಅವನಿದ್ದ ಜಾಗ ಹುಡುಕಿ
ಛಂಗನೆ ಹಾರಿ ಆತನ ಎದೆತಬ್ಬಿಕೊಂಡಿತ್ತು
ಅವನು ಸಾಕಿದ್ದ ನಾಯಿ.

ಎಂದೂ ಯಾರಿಗೂ ಸಹಾಯ ಮಾಡದಿರುವ ಒಬ್ಬನಿಗೆ
ಅಂದೇಕೋ ತನ್ನ ಮೇಲೆ ಅಸಹ್ಯವೆನಿಸಿ, ದಾರಿಯಲ್ಲಿ ಕಂಡ
ವೃದ್ಧೆ ಭಿಕ್ಷುಕಿಗೆ ಎರಡೊತ್ತಿನ ಊಟ ಕೊಡಸಿ ಆಫೀಸಿಗೆ ಹೋದ
ಹತ್ತು ವರುಷದಿಂದ ಅವನು ಕಾಯುತ್ತಿದ್ದ ಪ್ರಮೋಷನ್ ಲೆಟರ್
ಅವನಿಗಾಗಿ ಅಂದು ಕಾದು ಕುಳಿತಿತ್ತು !

ಪುಟ್ಟ ಕಥೆಗಳು – 1

ಅವನ ಕನಸಿನಲ್ಲಿ ಅವಳು ಬಂದಿದ್ದಳು
ತನ್ನ ಪ್ರೇಮಪತ್ರದೊಂದಿಗೆ..
ಇವನು ಕಾಣಸಿನಲ್ಲಿಯೇ ಮುಗುಳ್ನಕ್ಕ..
ಅವಳು “ಮದುವೆ ಯಾವಾಗ ಆಗೋಣ ?” ಎಂದಳು
ಇವನಿಗೆ ಎಚ್ಚರವಾಯಿತು!

ದೇವಸ್ಥಾನದ ಆರುತಿ ತಟ್ಟೆಯಲ್ಲಿ
ಐನೂರು ನೋಟು ಹಾಕಿದವನು,
ಬಾಗಿಲಲ್ಲಿ ಭಿಕ್ಷೆಬೇಡುತ್ತಿದ್ದ ಅಜ್ಜಿಗೆ
“ಚಿಲ್ಲರೆ ಇಲ್ಲಮ್ಮ ” ಎಂದು ಹೇಳಿ
ತಪ್ಪಿಸಿಕೊಳ್ಳುತ್ತಿದ್ದ.

ಒಬ್ಬ ಭಿಕ್ಷುಕ
ಮೊತ್ತಬ್ಬ ಭಿಕ್ಷುಕನ ಮದುವೆಗೆ ಹೋಗಿದ್ದ
ಅಲ್ಲಿಯೂ ಮಂಟಪದ ಮೇಲೆ
ರಾಶಿ ರಾಶಿ ಅಕ್ಕಿ ಕಂಡು,
ಮರುದಿನವೇ ಮದುವೆಯಾಗಲು ನಿಶ್ಚಯಿಸಿದ!