rumi poems in kannada

ಕಳೆದು ಹೋಗಿದ್ದೇನೆ .. ಹುಡುಕಿ ಕೊಡಿ..

ಕಳೆದು ಹೋಗಿದ್ದೇನೆ .. ಹುಡುಕಿ ಕೊಡಿ..

ಅದ್ಯಾರೋ ತೀರಿಹೋದರೆ ಮರಗುತ್ತಿದ್ದೆ ..
ಹೀಗೀಗ ಹೆಚ್ಚು ಮರೆಯುತ್ತಿದ್ದೇನೆ..
ಎಲ್ಲವೂ ಕ್ಷಣಿಕ ಎಂಬ ಸತ್ಯವನ್ನೂ ಕೂಡ !
ಹಾಗಾಗ ಮೂಡುತ್ತಿದ್ದ ಕಂಬನಿ ಕೂಡ ಈಗ ಮಾಯ!
ಮುಗುಳುನಗುಯೊಂದಿಗೆ ಕಷ್ಟದ ಉಗುಳು ನುಂಗುತ್ತಿರುವೆ
ಗಂಟಲು ಯಾರು ನೋಡುತ್ತಾರೆ ಹೇಳಿ ! ನಗುವಿದ್ದರೆ ಮೊಗದಲ್ಲಿ

ಪರಿಚಿತವಾದರೂ ಅಪರಿಚಿತ..
ನನ್ನದಿದ್ದರೂ ನನ್ನದಲ್ಲದ ಭಾವ.
ದಾರಿ ಗೊತ್ತಿದ್ದರೂ ನನ್ನದಲ್ಲದ ಪ್ರಯಾಣ
ಗುರಿಯಿದ್ದರೆ ಗುರು ಹುಡುಕುವ ಪ್ರಯತ್ನ
ಗುರು ಸಿಕ್ಕರೆ ಗುರಿಯನ್ನೇ ಬದಲಿಸುವ ಆತುರ
ಬದುಕಿನ ದಾಹಕ್ಕೆ ಬೇಕು ಬೇಡಗಳೆಲ್ಲವೂ
ಮರುಭೂಮಿಯಲ್ಲಿನ ನೀರು ಇದ್ದಂತೆ / ಸಿಕ್ಕಂತೆ
ನಮ್ಮ ಕನಸುಗಳು ದೊಡ್ಡದಾಂತೆಲ್ಲ ನಾವು ಚಿಕ್ಕವರಾಗುತ್ತಿದೀವ ?
ಯಾರು ಉತ್ತರಿಸಬೇಕು ?
ಕಾಲ ನಮ್ಮ ಎಲ್ಲ ಪ್ರಶ್ನೆಗಳಿಗೆ ಉತ್ತರಿಸುತ್ತದೆ..
ಹೊಂದಿಸಿ ನಾವು ಓದಬೇಕಷ್ಟೆ !

ಏನೇ ಹೇಳಿ
ನಾನು ಕಳೆದು ಹೋಗಿದ್ದೇನೆ .. ಹುಡುಕಿ ಕೊಡಿ..
ನಿಮಗೆ ನೀವು ಸಿಕ್ಕಮೇಲೆ !

ನಾನು ಇರುಳಾಗುವೆ…

ನಾನು ಇರುಳಾಗುವೆ
ನೀನು ಬೆಳದಿಂಗಳಾಗುವುದಾದರೆ
ನಾನು ಅಲೆಯಾಗುವೆ
ನೀನು ಕಡಲಾಗುವುದಾದರೆ
ನಾನು ದುಂಬಿಯಾಗುವೆ
ನೀನು ಹೂವಾಗುವುದಾದರೆ
ನಾನು ಮೋಡವಾಗುವೆ
ನೀನು ಮಳೆಯಾಗುವುದಾದರೆ
ನಾನು ನೀನಾಗುವೆ
ನೀನು ನನ್ನ ಅಪ್ಪಿದರೆ
ಈ ಪ್ರೀತಿಯ ಒಪ್ಪಿದರೆ

ರೂಮಿ ಕವನಗಳು -2

ನಮ್ಮ ಬದುಕಿನಲ್ಲಿ
ಅತೀ ಮುಖ್ಯ ಕೆಲಸವೆಂದರೆ
“ಅತೀ ಮುಖ್ಯವಾದ ಕೆಲಸ ಹುಡುಕುವುದು”

ನಿನ್ನ ನೆನೆಯಬಾರದೆಂದು
ಎಷ್ಟೇ ಅಂದುಕೊಂಡರೂ
ನಿನ್ನನ್ನೇ ನೆನೆಯುತಿರುವೆ
ಕಣ್ಣಿರಿನಿಂದ ಕೆನ್ನೆ ನೆನೆಸುತ

ಧರ್ಮವೆಂದರೆ
ಹುಟ್ಟಿ ಬಾಳಿ ಪಶ್ಚಾತ್ತಾಪವಿಲ್ಲದೆ ಸಾಯುವುದು

ಒಬ್ಬ ವೈರಿಯನ್ನು ಕ್ಷಮಿಸುವುದುಕ್ಕಿಂತ
ಒಬ್ಬ ಗೆಳೆಯನನ್ನು ಕ್ಷಮಿಸುವುದು ಕಷ್ಟ

ತೆರೆದಿಡು ಕೈಗಳನ್ನು
ನಿನ್ನ ಕೈಹಿಡಿದು ನಡೆಸಬೇಕಾದರೆ

ಮೌನವೊಂದೆ ಭಗವಂತನ ಭಾಷೆ
ಮಿಕ್ಕಿದ್ದೆಲ್ಲ ಅದರ ಕಳಪೆ ತರ್ಜುಮೆ (ಅನುವಾದ )

 ನಿನ್ನನ್ನೇ ನೀನು ಒಂದು ಜೀವಂತ ಕವಿತೆಯನ್ನಾಗಿಸು

ಪ್ರತಿ ಉಳಿಪೆಟ್ಟಿಗೂ ನೋವು ಅಂದರೆ ಶೀಲೆ ಆಗುವುದೆಂತು ?

ನಾನು ಕತ್ತಲಿನ ಗುಲಾಮನಲ್ಲ
ನಾನು ಬೆಳಕಿನ ಗುಲಾಮ

ರೂಮಿ ಕವನಗಳು

೧  ಸಮುದ್ರದೊಳಗಿನ ಒಂದು ಹನಿಯಾಗಬೇಡ
ಒಂದು ಹನಿಯೊಳಗಿನ ಅಖಂಡ ಸಮುದ್ರವಾಗು

೨. ಒಂಟಿತನದ ಭಾವ ನಿನಗ್ಯಾಕೆ ?
ಈಡೀ ಭ್ರಂಹಾಂಡವೇ ಇರಲು ನಿನ್ನೊಳಗೆ..

೩. ನನ್ನೊಂದಿಗಿದ್ದ ಎಲ್ಲವನ್ನೂ ಕಳೆದುಕೊಂಡೆ
ಆಗ ನನ್ನನ್ನು ಕಂಡುಕೊಂಡೆ.

೪. ಪ್ರೀತಿಯ ಅಮಲಿನಲ್ಲಿ ತೇಲುತಿರು
ಏಕಂದರೆ ಜಗತ್ತಿನ ಎಲ್ಲ ಸೃಷ್ಟಿಯಲ್ಲಿಯೂ
ಪ್ರೀತಿ ಇದೆ

೫. ನೀ ಮಾತಾಡುವ ಪದಗಳಲಿ ಬೆಲೆಯಿದೆ ಹೊರತು
ನಿನ್ನ ಏರು ಧ್ವನಿಯಲಿಲ್ಲ
ಎಷ್ಟೇ ಗುಡುಗು ಸಿಡಿಲಿನ ಅಬ್ಬರವಿದ್ದರೂ
ಹೂವು ಅರಳೋದು ಮಳೆಹನಿಗಳಿಂದ ಮಾತ್ರ.

೬. ಒಂದು ಕಲ್ಲು ಬಂಡೆ ಎಷ್ಟೇ ಗಟ್ಟಿಯಿದ್ದರೂ
ಅದರ ಮೇಲೆ ಒಂದು ಹುಲ್ಲೂ ಹುಟ್ಟಲ್ಲ
ಮಣ್ಣಿನಷ್ಟೇ ಮೃದುವಾಗು
ಆಗ ಎಲ್ಲ ಹೂ ಬಳ್ಳಿಗಳು ನಿನ್ನಡೆಗೆ
ಹುಡುಕಿ ಬರುವುವು.

೭. ಪ್ರೀತಿಯು ಆತ್ಮದ ಬೆಳಕು..

೮.ಈ ಜಗದಲ್ಲಿ ಎಲ್ಲವೂ ನಶಿಸಿಹೋಗುತ್ತದೆ
ಪ್ರೀತಿಯ ಹೊರತು

೯. ಪ್ರೀತಿಯು ಪ್ರೀತಿಯನ್ನೇ ಉತ್ಪಾದಿಸುತ್ತದೆ

೧೦. ನನ್ನ ತಂದೆ ಒಂದು ಪ್ರೀತಿ
ನನ್ನ ತಾಯಿ ಒಂದು ಪ್ರೀತಿ
ನನ್ನ ಗುರು ಒಂದು ಪ್ರೀತಿ
ನನ್ನ ದೇವರು ಒಂದು ಪ್ರೀತಿ
ನಾನು ಪ್ರೀತಿಯ ಕುವರ
ನಾನು ಇಲ್ಲಿ ಬಂದಿರೋದು
ಪ್ರೀತಿಯ ಹಂಚಲು

೧೧. ಧೂಳಿಡಿದ ನಿಮ್ಮ ಆತ್ಮ ಹಾಗೂ ಹೃದಯವನ್ನು
ಜ್ಞಾನದ ತೇಜಸ್ಸಿನಲ್ಲಿ ತೊಳೆಯಿರಿ

೧೨.ಪದಗಳೇ ಇರದ ಧ್ವನಿಯೊಂದಿದೆ
ಅದಕ್ಕೆ ನಿನ್ನ ಕಿವಿಕೊಡು